अकलुज : माळशिरस तालुक्यातील पिलीव येथील आकाश अंकुश खुर्द या युवकाचा अतिशय निघृणपणे खुन करुन पिलीव-चांदापुरी रस्त्यावरील वनविभागाच्या हद्दीत नग्न अवस्थेत मृतदेह फेकुन दिला होता. माणुसकीला काळीमा फासणाऱ्या या घटनेने अक्षरशः महाराष्ट्र हादरला कारण आकाशच्या शरीरावर एवढे विचीत्र चटके दिले होते तसेच गुप्तांग कापले होते. तोंडात सुद्धा सळईचे चटके दिले होते. एवढया विचीत्र पद्धतीने आकाशची हत्या केल्यामुळे खरेतर हे माणुसकीला काळीमा फासणाऱ्या या घटनेचा तपास करणे पोलीसांपुढे एक मोठे आवाहन होते.
चांदापुरी येथील एका महीलेचे व आकाशचे गेल्या पाच-सहा वर्षापासुन प्रेम संबंध होते. त्याचे येणे जाणे, फोनवरुन बोलणे, सोशल मीडियावरुन बोलणे सुरू होते. यामुळे एवढया रात्री आपल्या प्रेयसीचा फोन आला म्हटल्यावर आकाश आपल्या आई व पत्नीला मी दहा मिनिटात परत येतो म्हणून गेला तो लवकर परत येईना म्हटल्यावर आईने रात्री खुप उशीरा फोन केला पण तो फोन उचलतच नव्हता. प्रेयसीच्या म दतीनेच आकाशला त्याठिकाणी बोलावुन नवरा व इतर नातेवाईकाच्या मदतीने अमानुषपणे हत्या करण्यात आली. वनविभागाच्या हद्दीत नग्न अवस्थेत मृतदेह फेकुन दिला. शेजारीच त्याची मोटारसायकल होती.
मेटकरी मळा येथील लोकांनी हा मृत्यदेह पाहुन पोलीस स्टेशनला खबर दिली तसेच याचवेळी यश चोरमले याने आकाशच्या आईला खबर दिली. यावेळी पोलीसांनी रितसर पंचनामा करुन व माळशिरस येथे शवविच्छेदन करुन रात्री उशीरा मृतदेह नातेवाईकांच्या ताब्यात दिला. यानंतर पोलीसांनी तपासाची सत्रे अतिशय वेगाने फिरवली. यामध्ये प्रेयसीने केलेल्या फोनवरुन बराच उलगडा झाला.
यामध्ये एक अल्पवयीन मुलगा, प्रेयसी हिला पोलीसांनी ताब्यात घेतले तर तिचा नवरा फरार होता. मात्र, पोलीसांनी त्याच्या मुसक्या आवळल्या व त्याला ताब्यात घेतले. यामुळे आता या हत्येच्या मागे इतर कोण कोण सामील आहेत याचा उलगडा लवकरच होणार आहे. प्रेयसीनेच आपला प्रियकर आकाश याला बोलावुन घेऊन नातेवाईकांच्या मदतीने आकाशचा अमानुषपणे खुन केल्याचे तपासात निष्पन्न झाले आहे. यामधील प्रेयसीचे लग्न झालेले आहे, तिचा पती परदेशात नोकरीला आहे. तर आकाशचेही लग्न झाले असुन त्याला फक्त दोन महिन्याचा मुलगा आहे.
चार वर्षापुर्वी आकाशच्या वडीलांचे निधन झाले असुन तो शेती तसेच ग्रीलचा व्यवसाय करुन आपली उपजिवीका करीत होता. या घटनेमुळे आकाशची आई अनिता व पत्नी ऐश्वर्या हिने अक्षरशः हंबरडा फोडला असुन हृदय पिटाळून टाकणाऱ्या या हत्येने अक्षरशः महाराष्ट्र हादरला आहे. माणुसकीला काळीमा फासणाऱ्या य घटनेत निश्चित अजुन किती आरोपी आहेत याचा तपास पोलिस करीत आहे.
