नागपूर : नागपूरच्या प्रादेशिक मनोरुग्णालयात अचानक गोंधळ उडाला, जेव्हा रुग्ण जेवणाला बसलेले असतानाच मधमाशांच्या मोठ्या घोळक्याने परिसरात घुसून हल्ला केला. रुग्णालयाच्या हिरवाईने वेढलेल्या ४० एकर जागेत एका उंच झाडावर मोठे पोळे असल्याचे सांगितले जाते.
या घटनेत ६० वर्षीय किसन नावाच्या रुग्णाचा दुर्दैवी मृत्यू झाला असून ३९ रुग्ण तसेच दोन कर्मचारी जखमी झाल्याची माहिती वैद्यकीय अधीक्षक सतीश हुमणे यांनी दिली. मधमाश्यांच्या दंशामुळे अचानक गोंधळ झाल्याने काही रुग्णांना घाबरून धक्कादायक अवस्था आली होती.
जखमींना तातडीने रुग्णालयातील वेगळ्या विभागात हलवून उपचार करण्यात आले. रुग्णालय प्रशासनाने त्वरित परिसरातील सर्व कर्मचारी, नर्सिंग स्टाफ व सुरक्षारक्षकांना सतर्क केले. रुग्णालयाचा मोठा परिसर असल्याने आणि झाडांची दाटी असल्याने वन विभागाकडून आता या भागाचे सर्वेक्षण करण्यात येणार आहे.
