35 C
Latur
Sunday, April 6, 2025
Homeराष्ट्रीयवक्फ दुरुस्ती विधेयकाविरुद्ध काँग्रेस-एमआयएम-आपची याचिका

वक्फ दुरुस्ती विधेयकाविरुद्ध काँग्रेस-एमआयएम-आपची याचिका

मुस्लीम संघटनांनीही घेतली सर्वाेच्च न्यायालयात धाव

नवी दिल्ली : वक्फ दुरुस्ती विधेयक लोकसभा आणि राज्यसभेने मंजूर केले आहे. ते आता राष्ट्रपतींकडे पाठवले जाईल. त्यांच्या संमतीनंतर ते कायदा बनेल. पण त्याआधीच विरोधी पक्ष आणि अनेक मुस्लिम संघटनांनी याच्या विरोधात सर्वोच्च न्यायालयात धाव घेतली आहे.

शनिवारी आम आदमी पक्षाचे(आप) आमदार अमानतुल्ला खान यांनी या विधेयकाविरुद्ध सर्वोच्च न्यायालयात याचिका दाखल केली. शुक्रवारी याआधी सर्वोच्च न्यायालयात दोन याचिका दाखल करण्यात आल्या होत्या. बिहारमधील किशनगंज येथील काँग्रेस खासदार मोहम्मद जावेद आणि एआयएमआयएमचे खासदार असदुद्दीन ओवेसी यांनी ही याचिका दाखल केली आहे. २ आणि ३ एप्रिल रोजी लोकसभा आणि राज्यसभेत १२ तासांच्या चर्चेनंतर हे विधेयक मंजूर करण्यात आले.

गुरुवारी राज्यसभेत हे विधेयक मंजूर झाल्यानंतर काँग्रेस खासदार जयराम रमेश यांनी काँग्रेस सर्वोच्च न्यायालयात जाईल असे म्हटले होते. तामिळनाडूच्या द्रमुकनेही याचिका दाखल करण्याबद्दल बोलले होते. संसदेने वक्फ दुरुस्ती विधेयक मंजूर केल्याच्या विरोधात देशात निदर्शने सुरू आहेत. शुक्रवारच्या नमाजानंतर, पश्चिम बंगाल, गुजरात, बिहार, झारखंड, तामिळनाडू, तेलंगणा, कर्नाटक, आसाममध्ये मुस्लिमांनी रस्त्यावर उतरून निषेध केला. यामध्ये महिला आणि मुलांचाही समावेश आहे.

आतापर्यंत १६ विधेयक मंजूर
शुक्रवारी लोकसभेचे कामकाज अनिश्चित काळासाठी तहकूब करण्यात आले. यासह, ३१ जानेवारीपासून सुरू झालेल्या अर्थसंकल्पीय अधिवेशनाचे पहिले आणि दुसरे सत्र संपले. या अधिवेशनात वक्फ विधेयकासह १६ विधेयके मंजूर झाल्याचे सभापती ओम बिर्ला यांनी सांगितले. सभागृहाची उत्पादकता ११८% होती.

Related Articles

आणखीन बातम्या

मनोरंजन

MOST POPULAR