नवी दिल्ली : पंतप्रधान मोदी म्हणाले की २०४० पर्यंत भारतीय अंतराळवीर चंद्रावर पोहोचेल. येत्या आठवड्यात एक भारतीय आंतरराष्ट्रीय अंतराळ स्थानकावर जाणार आहे. ही भारतासाठी अभिमानाची गोष्ट आहे. चंद्र्राव्यतिरिक्त, मंगळ आणि शुक्र देखील आपल्या रडारवर आहेत.
पंतप्रधान बुधवारी अंतराळ संशोधनावरील जागतिक परिषदेत सहभागी झाले. पंतप्रधान म्हणाले की, चांद्रयान-१ ने चंद्रावर पाण्याचा शोध लावण्यास मदत केली. चांद्र्रयान-२ मोहीम यशस्वी झाली. चांद्रयान-२ ने उच्च रिझोल्यूशनचे फोटो पाठवले होते. भारतीय अंतराळवीर लवकरच अंतराळात जाणार आहेत. पंतप्रधान मोदी म्हणाले, अवकाश हे फक्त एक गंतव्यस्थान नाही. ही उत्सुकता, धाडस आणि सामूहिक प्रगतीची घोषणा आहे.
भारतीय अंतराळ प्रवास या भावनेचे प्रतिबिंबित करतो. १९६३ मध्ये एक लहान रॉकेट प्रक्षेपित करण्यापासून ते चंद्राच्या दक्षिण ध्रुवाजवळ उतरणारा पहिला देश बनण्यापर्यंतचा आमचा प्रवास उल्लेखनीय राहिला आहे. भारताचा अंतराळातील प्रवास कौतुकास्पद आहे. आमचे रॉकेट फक्त पेलोडपेक्षा बरेच काही वाहून नेतात. भारतातील माजी विद्यार्थी महत्त्वाचे वैज्ञानिक टप्पे गाठतात.
मंगळ, शुक्र भारताच्या रडारवर
२०४० पर्यंत भारतीय अंतराळवीर चंद्रावर उतरणार आपले पहिले मानवी अंतराळ मोहीम, गगनयान, आपल्या देशाच्या वाढत्या आकांक्षा अधोरेखित करते. येत्या काही आठवड्यात, एक भारतीय अंतराळवीर आंतरराष्ट्रीय अंतराळ स्थानकावर इस्रो-नासा यांच्या संयुक्त मोहिमेचा भाग म्हणून अंतराळात प्रवास करेल. २०३५ पर्यंत, भारतीय अंतराळ स्थानक संशोधन आणि जागतिक सहकार्यात नवीन आयाम उघडेल. २०४० पर्यंत भारताचे पाऊल चंद्रावर पडेल. मंगळ आणि शुक्र देखील आपल्या रडारवर आहेत.
