नवी दिल्ली : कतारचे अमीर शेख तमीम बिन हमद अल-थानी १७ फेब्रुवारी रोजी दोन दिवसांच्या भारत दौ-यावर येणार आहेत. या काळात त्यांच्यासोबत एक उच्चस्तरीय शिष्टमंडळही असेल. अनेक मंत्री, वरिष्ठ अधिकारी आणि व्यावसायिक शिष्टमंडळे देखील यात सहभागी होतील.
परराष्ट्र मंत्रालयाच्या म्हणण्यानुसार, अमीर अल-थानी पंतप्रधान मोदींसोबत द्विपक्षीय चर्चा करतील. ते राष्ट्रपती द्रौपदी मुर्मू यांचीही भेट घेतील. शेख तमीम बिन हमद अल थानी यांचे १८ फेब्रुवारी रोजी राष्ट्रपती भवनाच्या प्रांगणात औपचारिक स्वागत केले जाईल. राष्ट्रपती मुर्मू त्यांच्या सन्मानार्थ रात्रीचे जेवण आयोजित करतील. त्यांच्या भेटीचा उद्देश द्विपक्षीय संबंध मजबूत करणे आहे. या वर्षाच्या अखेरीस परराष्ट्र मंत्री एस. जयशंकर यांनी कतारला भेट दिली. गेल्या एका वर्षात हा त्यांचा कतारचा चौथा दौरा होता. त्यांनी फेब्रुवारी, जूनमध्ये आणि येथे कतारचे पंतप्रधान आणि परराष्ट्र मंत्री मोहम्मद बिन अब्दुल रहमान अल थानी यांची भेट घेतली.
कतार भारतासाठी खास का आहे? तज्ज्ञांच्या मते, ट्रम्प पुन्हा अमेरिकेचे राष्ट्राध्यक्ष झाल्यानंतर युरोपपासून मध्य पूर्वेपर्यंत अनिश्चिततेचे वातावरण आहे. ट्रम्प कधी आणि कोणते निर्णय घेतील, हे कोणालाही माहिती नाही. ट्रम्प त्यांच्या मागील कार्यकाळात इराणवर खूप कडक होते. यावेळीही ते इराणवर नवीन निर्बंध लादू शकतात.
