नवी दिल्ली : रोहित शर्माच्या नेतृत्वाखालील टीम इंडियाला पिंक बॉल टेस्टमधील ऑस्ट्रेलिया विरुद्धचा रेकॉर्ड सुधारण्यात अपयश आले. ऍडिलेड कसोटी सामन्यात भारतीय संघाने तिस-या दिवशीच कसोटी गमावली. दोन्ही डावात भारतीय आघाडीच्या फलंदाजांनी केलेल्या ढिसाळ कामगिरीमुळे टीम इंडियावर ऑस्ट्रेलियाविरुद्ध सलग दुस-या पिंक बॉल टेस्टमध्ये पराभवाचा सामना करावा लागला.
या पराभवामुळे टीम इंडिया वर्ल्ड टेस्ट चॅम्पियनशिपच्या गुणतालिकेतही मोठा फटका बसला आहे. रोहित शर्माच्या अनुपस्थिती बुमराहच्या नेतृत्वाखाली खेळताना पर्थ कसोटी जिंकत भारतीय संघ डब्ल्यूटीसी गुणतालिकेत टॉपला पोहचला होता. पण आता या जागेवर पुन्हा ऑस्ट्रेलियाने कब्जा केले आहे. एवढेच नाही तर टीम इंडियाची थेट पहिल्या स्थानावरून तिस-या क्रमांकावर घसरण झाली आहे. रोहित शर्माच्या अनुपस्थिती बुमराहच्या नेतृत्वाखाली खेळताना पर्थ कसोटी जिंकत भारतीय संघ हळउ गुणतालिकेत टॉपला पोहचला होता. पण आता या जागेवर पुन्हा ऑस्ट्रेलियाने कब्जा केले आहे. एवढेच नाही तर टीम इंडियाची थेट पहिल्या स्थानावरून तिस-या क्रमांकावर घसरण झाली आहे.
आयसीसी वर्ल्ड टेस्ट चॅम्पियनशिप फायनलच्या शर्यतीत ऑस्ट्रेलिया संघ आता टॉपला आहे. यंदाच्या तिस-या हंगामात १४ सामन्यातील ९ विजय, ४ पराभव आणि एका अनिर्णित सामन्यासह ऑस्ट्रेलियाच्या खात्यात १०२ गुण जमा असून त्यांच्या विजयाची टक्केवारी ही ६०.७१ टक्के अशी आहे. दक्षिण आफ्रिकेचा संघ या यादीत दुस-या स्थानावर आहे. ९ सामन्यातील ५ विजय, ३ पराभव आणि एका अनिर्णित सामन्यासह त्यांनी ६४ गुणांची कमाई केली असून या संघाच्या विजयाची टक्केवारी ही ५९.२६ टक्के एवढी आहे. भारतीय संघाने १६ सामन्यात ९ विजय, ६ पराभव आणि एका अनिर्णित सामन्यासह ११० गुण कमावले असून संघाची विजयाची टक्केवारी ही आता ५० टक्के इतकी आहे.
