अनकापल्ले : आंध्र प्रदेशातील अनकापल्ले जिल्ह्यातील एका फटाक्याच्या कारखान्यात स्फोट झाला. स्फोटाचा आवाज इतका मोठा होता की लोकांना तो अनेक किलोमीटर अंतरापर्यंत ऐकू आला. या स्फोटात कारखान्यात काम करणा-या ८ कामगारांचा मृत्यू झाला.
आंध्र प्रदेशातील अनकापल्ले जिल्ह्यातील एका फटाक्याच्या कारखान्यात स्फोट झाला. स्फोटाचा आवाज इतका मोठा होता की लोकांना तो अनेक किलोमीटर अंतरापर्यंत ऐकू आला. या स्फोटात कारखान्यात काम करणा-या ८ कामगारांचा मृत्यू झाला. आंध्र प्रदेशचे मुख्यमंत्री एन चंद्राबाबू नायडू यांनी अनकापल्ले जिल्ह्यातील कोटावुरुतला येथील फटाके उत्पादन युनिटमध्ये झालेल्या स्फोटात ८ कामगारांच्या मृत्युबद्दल शोक व्यक्त केला.
घटनेची माहिती गोळा करण्यासाठी मुख्यमंत्र्यांनी जिल्हाधिकारी, पोलिस अधीक्षक आणि राज्याच्या गृहमंत्री अनिता यांच्याशी फोनवरून बोलले. जखमींना सर्वोत्तम वैद्यकीय सेवा मिळावी यासाठी अधिका-यांना निर्देश दिल्याचे मुख्यमंत्र्यांनी सांगितले. सरकार पीडितांच्या कुटुंबांना पाठिंबा देईल आणि त्यांना खंबीर राहण्याचे आवाहन केले. त्यांनी अधिका-यांना घटनेची सखोल चौकशी करून अहवाल सादर करण्याचे निर्देश दिले. जखमी कामगारांपैकी दोन कामगारांची प्रकृती गंभीर असल्याचे अधिका-यांनी मुख्यमंत्र्यांना सांगितले.
