कोल्हापूर : माझी बॅटिंग अजून सुरू व्हायची आहे, हलगी आता कुठे तापू लागली आहे. जसजशी निवडणूक लागेल तसतशी हलगी वाजणार असून आरोग्य खात्यातील भ्रष्टाचार आपण बाहेर काढणार आहोत, असा इशारा कॉंग्रेसचे नेते सतेज पाटील यांनी दिला आहे.
सतेज पाटील म्हणाले, या निवडणुकीमध्ये पैशाचा महापूर आणण्याचा प्रयत्न केला जाईल. पालकमंत्रीपद त्यांच्याकडेच आहे. मात्र, माझी बॅटिंग अजून सुरू व्हायची आहे. हलगी आता कुठे वाजू लागली आहे. जसजशी निवडणूक लागेल तसतशी हलगी वाजणार आहे आणि या सर्वांचा समाचार आपण या प्रचारांमध्ये घेणार असल्याचा इशारा पाटील यांनी दिला. भ्रष्टाचाराचा पैसा, आरोग्य खात्यातील पैसा कसा वॉर्डात वाटला जाईल, याची सर्व कागद देणार असल्याचा इशाराही पाटील यांनी दिला आहे.
प्रकाश आबिटकरांचे सतेज पाटलांना प्रत्युत्तर
सतेज पाटील यांनी केलेल्या आरोपानंतर प्रकाश आबिटकर यांनी प्रतिक्रिया दिली आहे. ते म्हणाले की, सतेज पाटील यांच्याकडूनच मी समजून घेईन आरोग्य विभागामध्ये नेमके काय भ्रष्टाचार झाले आहेत. आम्ही दोघे मिळून ते भ्रष्टाचार बाहेर काढू, असा टोला सतेज पाटलांना लगावला. तसेच आम्हाला लोकांनी संधी दिली आहे ते चांगले काम करण्यासाठी, भ्रष्टाचार करण्यासाठी नाही. पाटील यांच्याकडून माहिती घेऊन आम्ही समुदायिकपणे भ्रष्टाचार बाहेर काढू. वस्तुनिष्ठ परिस्थितीनुसार आम्ही महानगरपालिका निवडणुकीला सामोरे जाणार आहोत, असे आबिटकर म्हणाले.
दमानियांच्या आरोपांवर आबिटकरांचे स्पष्टीकरण
सामाजिक कार्यकर्त्या अंजली दमानिया यांनी ५०० कोटींचे हॉस्पिटल अजित पवारांच्या नातेवाईकांना दिल्याचा आरोप करत हल्लाबोल केला आहे. या आरोपांवर प्रतिक्रिया देताना, (नाव नमूद नसलेले नेते/अधिकारी) आबिटकर यांनी स्पष्ट केले आहे की, दमानिया यांनी केलेल्या ट्वीटचा आरोग्य विभागाशी कोणताही संबंध नाही. आरोग्य विभागामध्ये अशा पद्धतीची कोणतीही अनियमितता झालेली नाही. त्यामुळे, अंजली दमानिया यांना नेमके काय म्हणायचे आहे, हे पहिल्यांदा समजून घ्यायला हवे, असे मत आबिटकर यांनी व्यक्त केले.
