गुवाहाटी : राजस्थान रॉयल्सने चेन्नई सुपर किंग्सवर ६ धावांनी मात केली. चेन्नईला १८३ धावांचा पाठलाग करताना २० ओव्हरमध्ये ६ विकेट्स गमावून १७६ धावाच करता आल्या. चेन्नईचा हा सलग दुसरा पराभव ठरला.
आयपीएल-२०२५ च्या ११ व्या सामन्यात राजस्थान रॉयल्सने चेन्नई सुपर किंग्जला १८३ धावांचे लक्ष्य दिले होते. गुवाहाटीतील बारसापारा क्रिकेट स्टेडियमवर झालेल्या सामन्यात चेन्नईने नाणेफेक जिंकून गोलंदाजीचा निर्णय घेतला. राजस्थानने ९ विकेटच्या मोबदल्यात १८२ धावा काढल्या. प्रत्त्युत्तरात चेन्नईने १९.४ षटकांत ६ गडी गमावून १७२ धावा केल्या. रवींद्र जडेजा आणि जिमी ओव्हरटन क्रीजवर शेवटपर्यंत तग धरून होते. एमएस धोनीने १६ धावांवर खेळत असताना संदीप शर्माच्या चेंडूवर हेटमायरकरवी झेलबाद झाला.
कर्णधार ऋतुराज गायकवाड ६३ धावा करून बाद झाला. त्याला वानिंदू हसरंगाच्या चेंडूवर यशस्वी जयस्वालने झेलबाद केले. त्याने विजय शंकर (९ धावा), शिवम दुबे (१८ धावा) आणि राहुल त्रिपाठी (२३ धावा) यांनाही बाद केले. रचिन रवींद्र (०) ला जोफ्रा आर्चरने पॅव्हेलियनमध्ये पाठवले. चेन्नईला सलग दुस-या पराभवाचा सामना करावा लागला आहे. राजस्थानने संघाचा ६ धावांनी पराभव केला. संदीप शर्माने शेवटच्या षटकात उत्तम कामगिरी बजावली.
