नवी दिल्ली : सौदी अरेबियाचे हज आणि उमराह मंत्री तौफिक बिन फौजान अल राबिया भारत दौऱ्यावर आहेत. दिल्लीतील सौदी अरेबियाच्या दूतावासाने सोमवारी सांगितले की, त्यांचे मंत्री हज आणि उमराह संदर्भात भारताशी अधिक चांगला समन्वय साधण्यासाठी भारतीय नेत्यांना भेटतील. मंत्री तौफिक यांच्या भारत भेटीचा उद्देश संपूर्ण प्रक्रिया सुलभ करणे हा आहे. या प्रक्रियेनंतरच भारतीयांना हज आणि उमराह करण्याची परवानगी देण्यात येते.
दरवर्षी, सौदी अरेबिया हज यात्रेसाठी एक यादी जारी करते, ज्यामध्ये प्रत्येक देशाचा कोटा असतो, तो म्हणजे, तो कोणत्याही देशातील मर्यादित लोकांना हज करण्यासाठी परवानगी देतो. गेल्या दशकात दरवर्षी सरासरी २५ लाख मुस्लिमांनी हज केले. इस्लामच्या एकूण पाच स्तंभांपैकी हज हा पाचवा स्तंभ आहे. सर्व निरोगी आणि आर्थिकदृष्ट्या सक्षम मुस्लिमांनी त्यांच्या आयुष्यात एकदा तरी हजला जाणे अपेक्षित आहे.
