सेलू : विद्यार्थ्यांनी यश प्राप्तीसाठी ज्ञाननिष्ठा, गुरुनिष्ठा,अध्ययननिष्ठा, एकाग्रता चतु:सूत्रीचा नेहमीच वापर करावा. विद्यार्थ्यांना गुरुजनांप्रती नेहमीच आदर असावा. नम्रता अंगी असावी. ध्येय मोठे ठेवावे आणि ध्येयप्राप्तीसाठी नेहमीच प्रयत्नशील असावे, असे प्रतिपादन डॉ. सुनिता दीक्षित (देशपांडे) यांनी केले.
श्रीमती लक्ष्मीबाई लालजी रामजी नूतन कन्या प्रशाला व श्रीमती तेजीबाई कन्हैयालाल अग्रवाल उच्च माध्यमिक विभाग गुणवंत विद्यार्थिनी सत्कार सोहळा प्रसंगी प्रमुख पाहुण्या म्हणून डॉ. दीक्षित बोलत होत्या. कार्यक्रमाच्या अध्यक्षस्थानी नूतन विद्यालय शिक्षण संस्थेचे अध्यक्ष डॉ.एस.एम.लोया यांची उपस्थिती होती. या कार्यक्रमासाठी प्रमुख पाहुण्या म्हणून प्रशालेच्या माजी विद्यार्थिनी डॉ. सुनिता दिक्षित (देशपांडे) नांदेड, संस्थेचे चिटणीस प्राचार्य डॉ.व्ही.के.कोठेकर, शालेय समितीचे अध्यक्ष नंदकिशोर बाहेती, दत्तराव पावडे, मकरंद दिग्रसकर, राजेश गुप्ता, डॉ.शरद कुलकर्णी, अजीजखॉ पठाण, मुख्याध्यापिका निशा पाटील, उपमुख्याध्यापक दत्तराव घोगरे, पर्यवेक्षक रोहिदास मोगल, माता पालक शिक्षक संघाच्या उपाध्यक्षा माधुरी देशपांडे यांची प्रमुख उपस्थिती होती.
या प्रसंगी प्रमुख पाहुण्या डॉ. सुनीता दीक्षित यांचा कार्यक्रमाचे अध्यक्ष डॉ. सत्यनारायणजी लोया यांच्या हस्ते शाल, श्रीफळ, पुष्पगुच्छ, स्मृतीचिन्ह, अमृतायान ग्रंथ आणि तुळशीचे रोप देऊन सन्मान करण्यात आला. प्रशालेतील इयत्ता १०वी, १२वी, स्पर्धा परीक्षेतील गुणवंत विद्यार्थिनींचा पाहुण्यांच्या हस्ते सत्कार करण्यात आला.
स्वागतगीत संगीत शिक्षक सच्चिदानंद डाखोरे यांनी गायले. प्रास्ताविक मुख्याध्यापिका निशा पाटील यांनी केले. पाहुण्यांचा परिचय सुहास देऊळगावकर यांनी दिला. यादी वाचन उपमुख्याध्यापक दत्तराव घोगरे, कैलास मलवडे, सुरेखा आगळे, सीमा सुकते, वैशाली चव्हाण, ज्योती कुंभकर्ण, यशवंत कुलकर्णी, सपना पाटणी यांनी केले. सूत्रसंचालन कीर्ती राऊत यांनी तर आभार प्रदर्शन सांस्कृतिक विभाग प्रमुख भालचंद्र गांजापूरकर यांनी केले. कार्यक्रमासाठी प्रशालेतील गुणवंत विद्यार्थिनी, पालक, प्रशालेतील सेवानिवृत्त शिक्षक यांची उपस्थिती होती. प्रशालेतील शिक्षक शिक्षकेतर कर्मचारी यांनी परिश्रम घेतले.
