सेऊल : उत्तर कोरियाचा हुकूमशहा किम जोन उनच्या बहिणीने अमेरिकेन देशाशी चर्चेचा प्रस्ताव नाकारला आहे. तसेच आणखी उपग्रह प्रक्षेपित करण्याचा इशारा दिला आहे. उत्तर कोरियाच्या इशा-यामुळे उत्तर कोरिया अमेरिकेला सरळसरळ धमकावत असल्याचे चित्र आंतरराष्ट्रीय स्तरावर निर्माण झाल्याची चर्चा आहे. उत्तर कोरियाचे हुकूमशहा किम जोंग उनची बहिण किम यो जोंग हिने गुरुवारी थेट चर्चा आणि मुत्सद्देगिरीने चर्चा करण्याची अमेरिकेची ऑफर नाकारली.
कोरियाने जे पाऊल उचलले आहे त्याचे कौतुक करायला हवे, असे किम यो जोंग यांचे मत आहे, मात्र कोरियाच्या या पावलावर संयुक्त राष्ट्रांच्या निर्बंधांचे उल्लंघन केल्याबद्दल सर्व बाजूंनी टीका होत आहे. आम्ही कधीही अमेरिकेशी समोरासमोर बसून चर्चा करणार नाही, असा थेट इशाराच किमच्या बहिणीने दिला आहे. या आठवड्याच्या सुरुवातीला, संयुक्त राष्ट्र सुरक्षा परिषदेच्या बैठकीदरम्यान, अमेरिकेच्या राजदूत लिंडा थॉमस-ग्रीनफिल्ड यांनी उत्तर कोरियाच्या उपग्रह प्रक्षेपणाचे वर्णन अविचारी आणि बेकायदेशीर पाऊल म्हणून केले होते. उत्तर कोरियाचे हे पाऊल शेजारील राष्ट्रांसाठी धोक्याचे असल्याचे ग्रीनफिल्ड यांनी म्हटले होते. चर्चेची ऑफर देताना ते म्हणाले की उत्तर कोरिया कोणत्याही अटीशिवाय वेळ आणि विषय निवडू शकतो. मात्र, किमची बहीण आणि वरिष्ठ अधिकारी किम यो जोंगने अमेरिकेचा प्रस्ताव धुडकावून लावला आणि आणखी उपग्रह आणि शस्त्रे सोडण्याची धमकी दिली.
उत्तर कोरियाने संयुक्त राष्ट्रांचे उल्लंघन केले?
खरंच, यूएन सुरक्षा परिषदेच्या अनेक ठरावांनी उत्तर कोरियाला उपग्रह प्रक्षेपण आणि क्षेपणास्त्र चाचण्यांसारख्या बॅलिस्टिक तंत्रज्ञानाचा वापर करून कोणतेही प्रक्षेपण करण्यास बंदी घातली आहे, परंतु उत्तर कोरियाने असा युक्तिवाद केला आहे की अमेरिकेच्या नेतृत्वाखालील लष्करी धोक्यांना सामोरे जाण्यासाठी असे करणे आवश्यकआहे. प्रक्षेपण करण्याचा अधिकार आहे. गुप्तचर उपग्रह आणि चाचणी बॅलिस्टिक क्षेपणास्त्र.
