मिरज : मिरज-पंढरपूर रस्त्यावर तानंग फाटा येथे एसटी व ट्रक अपघातात १९ प्रवासी किरकोळ जखमी झाले. जखमीत ११ विद्यार्थ्यांचा समावेश आहे. याबाबत मिरज ग्रामीण पोलिसांत नोंद आहे.
एसटी तानंग फाटा येथे आली असता राष्ट्रीय महामार्गावरून मिरजेकडे वळण घेणा-या ट्रकने एसटीला पाठीमागील बाजूने जोरदार धडक दिली. यामुळे एसटीत पाठीमागील बाजूस बसलेले १९ जण जखमी झाले.
जखमीत विद्यार्थ्यांचाही समावेश आहे. जखमींना तातडीने उपचारासाठी मिरज शासकीय रुग्णालयात दाखल करून उपचार करण्यात आले. या अपघातामुळे मात्र वाहतूक काही काळ ठप्प झाली होती.
