लंडन : आपण हे अनेकदा ऐकले असेल की चालणे अत्यंत फायदेशीर आहे. म्हणूनच आरोग्य तज्ज्ञ सर्व वयोगटातील लोकांना दररोज चालण्याचा सल्ला देतात. वॉक करणे म्हणजे पायी चालणे ही फीट राहण्यासाठी आणि निरोगी राहण्यासाठी सगळ्यात चांगली एक्सरसाईज मानली जाते. पायी चालणे ही सगळ्यात सोपी आणि फायदेशीर एक्सरसाईज असते. वजन कमी करण्यासाठी किंवा हृदय निरोगी ठेवण्यासाठी किती पायी चालावे यावर वेगवेगळे रिसर्च नेहमीच समोर येत असतात. अशात आता आणखी एक रिसर्च समोर आला आहे.
ब्रिटिश जर्नल ऑफ स्पोर्ट्स मेडिसिनमध्ये प्रकाशित लेखानुसार, संशोधकांनी सांगितले की, रोज केवळ ११ मिनिटे म्हणजे आठवड्यातून ७५ मिनिटे ब्रिस्क वॉक केल्याने म्हणजे वेगाने पायी चालल्याने हार्ट स्ट्रोक आणि कॅन्सरसारख्या आजारांचा धोका कमी होऊ जाऊ शकतो. हा रिसर्च जवळपास ३० मिलियन लोकांवर करण्यात आला होता. यामुळे तुमचे हृदयाचे आरोग्य सुधारते. मानसिक आरोग्य सुधारते आणि तुमचा मूड देखील सुधारतो. शरीराला अंतर्गत फायदे देण्यासोबतच, दररोज फक्त ११ मिनिटे चालल्याने तुमच्या शरीरात काही बा बदलदेखील दिसून येतात.
अकाली मृत्यूपासूनही होतो बचाव
रिसर्चमध्ये असे आढळून आले की रोज केवळ ११ मिनिटे वॉक करूनही तुम्ही कार्डिओवस्कुलर डिजीजचा धोका १७ टक्क्यांनी कमी होतो आणि कॅन्सरचा धोका ७ टक्क्यांनी कमी होतो. अभ्यासकांना आढळले की, याने अकाली मृत्यूपासूनही बचाव केला होऊ शकतो.
शरीरात नेमके काय बदल घडतात?
चांगली मुद्रा जेव्हा तुम्ही दररोज ११ मिनिटे चालता तेव्हा तुमच्या शरीराच्या पोश्चरमध्ये फरक दिसून येतो. चालण्यामुळे तुमच्या पाठीचे आणि पायांचे स्रायू मजबूत होतात, ज्यामुळे पोश्चर सुधारते. याचा तुमच्या व्यक्तिमत्त्वावर चांगला परिणाम होतो.
वजन संतुलित राहते
वजन कमी होणे चालण्यामुळे वजन कमी होण्यास मदत होते, ज्यामुळे तुमचे शरीर अधिक तंदुरुस्त दिसते. अनेक अहवालांचे निकाल असे दर्शवतात की चालण्यामुळे चयापचय वाढते, ज्यामुळे तुम्हाला अधिक कॅलरीज बर्न करण्यास मदत होते आणि त्यामुळे तुमचे वजन संतुलित राहते.
पाय मजबुत होण्यास मदत
टोन्ड पाय चालण्याचा शरीराच्या खालच्या भागावर जास्त परिणाम होतो. त्यामुळे पायांचे स्रायू, विशेषत: पिंड-या, हॅमस्ट्रिंग आणि मांड्या मजबूत होतात. तसेत जेव्हा तुम्ही नियमितपणे चालता, म्हणजेच दररोज चालत राहता, तेव्हा थोड्याच वेळात तुमचे पाय टोन्ड दिसू लागतात.
त्वचेवरही मोठा परिणाम
चमकणारी त्वचा तुम्हाला हे जाणून आश्चर्य वाटेल की दररोज फक्त ११ मिनिटे चालल्याने तुमची त्वचा चमकू लागते. कारण चालण्यामुळे रक्ताभिसरण वाढते, ज्यामुळे तुमच्या त्वचेला चांगल्या प्रमाणात ऑक्सिजन आणि पोषक तत्वे मिळण्यास मदत होते. यामुळे त्वचेवरील नैसर्गिक चमक वाढते आणि त्वचा चमकदार दिसते.
