सोलापूर : पहेलगाम अतिरेकी हल्ल्याच्या निषेधार्थ शिवसेना उद्धव बाळासाहेब ठाकरे पक्षाच्यावतीने बुधवार दि. २३ एप्रिल रोजी पाकिस्तानच्या झेंड्याची अंत्ययात्रा काढत जाळण्यात आला. तसेच नामर्दपणे भ्याड हल्ला करणाऱ्या पाकिस्तानच्या विरोधात तीव्र घोषणाबाजी करण्यात आली.
प्रारंभी छत्रपती संभाजी महाराज चौकात जमून शिवसैनिकांनी पाकिस्तानचा निषेधार्थ घोषणा दिल्या. गिन गिन के है बदला लेना जननी के अपमान का, नकसे परसे नाम मिटादो पापी पाकिस्तान का, भारतमाता की जय, वंदे मातरम्, जिसको चाहिये पाकिस्तान, उसको भेजो कब्रस्तान अशा घोषणा दिल्या.
शिवसैनिकांनी पाकिस्तानचा झेंड्याला चपलेचा हार घातलेले फलक हाती धरले होते. पुरुषोत्तम बरडे यांनी जिहादी दहशतवाद्यांनी हिंदूंना धर्म विचारून गोळ्या घातल्या. भारताने त्वरित अशा दहशतवाद्यांना पाकिस्तानात घुसून ठार मारले पाहिजे. तसेच भारतात राहून या दहशतवाद्यांना मदत करणाऱ्यांनाही तत्काळ संपवले पाहिजे.
आगामी काळात बिहारच्या निवडणुका होणार आहेत. या निवडणुकांच्या पार्श्वभूमीवर हा हल्ला झाल्याने हा हल्ला राजकीय हेतूने प्रेरित आहे का अशीही शंका येत आहे. त्यामुळे पंतप्रधान नरेंद्र मोदी आणि गृहमंत्री अमित शहा यांच्यात हिंमत असेल तर त्यांनी पाकिस्तानला त्वरित धडा शिकवावा.
यावेळी छत्रपती श्री संभाजी महाराज चौक ते छत्रपती श्री शिवाजी महाराज चौकापर्यंत पाकिस्तानचा झेंडा गुंडाळलेली तिरडी घेऊन अंत्ययात्रा काढण्यात आली. तसेच या तिरडीचे दहन छत्रपती श्री शिवाजी महाराज चौकात करण्यात आले.
याप्रसंगी पुरुषोत्तम बरडे, गणेश वानकर, महेश धाराशिवकर, दत्तात्रय वानकर, ज्ञानेश्वर सपाटे, आशुतोष बरडे, सुरेश जगताप, विजय पुकाळे, दिनकर जगदाळे, तुषार खंदारे, प्रसन्न नाजरे, धनराज जानकर, रेवण पुराणिक, लहू गायकवाड, योगेश क्षीरसागर, सचिन सुरवसे, रविकांत गायकवाड, कृष्णा सुरवसे, बाळासाहेब माने, नाना मोरे, गजेंद्र माशाळ, शिवा कोळी, प्रशांत कदम, संभाजी कोडगे, रोहित सुरवसे, राहुल परदेशी, अण्णा गवळी, महेश गवळी, अजय अमनूर, विष्णुदास जवंजाळ, गणेश खानापुरे, संदीप भोसले, ओंकार सुतार, पंकज रणदिवे, लक्ष्मण शिंदे आदीसह बहुसंख्येने शिवसैनिक व हिंदुत्ववादी युवकांची उपस्थिती होती.