लातूर : प्रतिनिधी
कर संकलन व कर आकारणी विभाग लातूर शहर महानगरपालिका यांच्या वतीने वर्षाच्या सुरुवातीपासूनच मालमत्ताधारकासाठी विविध उपक्रम राबविण्यात येत आहेत. त्यानुसार वेळोवेळी विविध प्रकारचे सुटची योजना लागू करण्यात आल्या होती. तसेच मालमत्ता करदात्यांसाठी प्रोत्साहनपर बक्षीस योजनेस २१ फेब्रुवारीपर्यंत मुदतवाढ देण्यात आली आहे.
लातूरकराना एक अनोखी भेट म्हणून दिं. २० जानेवार ते दि. १० फेब्रुवारीपर्यंत थकबाकीसह चालू अर्थिक वर्षातील संपूर्ण कराचा एक रक्कमी भरणा करणा-या करदात्यास लातूर शहर महानगरपालिकेमार्फत प्रोत्सानपर बक्षीस योजना राबवण्यात येत असून सदरील योजनेस दि. २१ फेब्रुवारीपर्यंत मुदतवाढ देण्यात येत आहे. विजेत्यांची नावे ऑनलाइन पद्धतीने निवडण्यात येणार आहेत. योजनेच्या कालावधीतील टॅक्स भरणा पावती ही सहभाग असल्याचे नोंद होईल. तरी वरील मुदतीत कर भरणा करणा-या कर दात्यास मालमत्ता कर श्रेणीनुसार खालील प्रमाणे प्रोत्सानपर बक्षीस देण्यात येणार आहे.
कर गुप्र रु. १ ते ५००० करिता बक्षीस वस्तू १५ (मिक्सर), कर गुप्र रु. ५००१ ते १०००० करिता बक्षीस वस्तू १० (कुलर) कर गुप्र रु. १०००१ ते २५००० करिता बक्षीस वस्तू ५ (फ्रिज) कर गुप्र रु. २५००१ ते १००००० करिता बक्षीस वस्तू २ (कलर टि.व्हि) कर गुप्र रु. १००००० वरील सर्व, वस्तू १ (स्कूटी बाईक) कर गुप्र रु, ०१ ते १००००० करिता वस्तू १ (स्कूटी बाईक) प्रोत्साहनपर वक्षीस.
या प्रमाणे प्रोत्सानपर बक्षीस योजनासाठी वस्तू ठेवण्यात आल्या असून या उपर हे जे मालमत्ताधारक थकीत मालमत्ताकराचा व पाणी पट्टीकराचा भरणा करणार नाहीत अशा मालमत्ताधारकांवर महानगरपालिकेच्या वसूली पथकामार्फत मालमत्ता सील करणे,आटकाणी करणे तसेच नळ जोडणी खंडीत करणे या स्वरूपाची कार्यवाही हाती घेण्यात येत आहे. तसेच जे मालमत्ताधारक मालमत्ता सील करूनही मुदतीमध्ये कराचा भरणा करणार नाहीत अशा मालमत्ता महाराष्ट्र महानगरपालिका अधिनियम अनुसार स्थावर मालमत्ताच्या लिलाव महानगरपालिकेमार्फत करून वसूली करण्यात येणार आहे. तरी वरील मुदतीत टॅक्स भरणा करावा व बक्षीस जिंकावे तसेच जप्तीसारखी कठू कार्यवाही टाळावी, असे आवाहन आयुक्त तथा प्रशासक बाबासाहेब मनोहरे यांनी केले आहे.
