नवी दिल्ली : वृत्तसंस्था
सर्पदंशाने भारतात दरवर्षी १ लाख ४० हजार लोकांचा बळी जातो. महाराष्ट्रात सर्पदंशाने मरणा-याची संख्या मोठी आहे. त्यामुळे सर्पदंशाची नेहमीच मानवाला भीती असते. विषारी सापाच्या दंशाने अनेकदा बळी जाण्याचा धोका असतो. ब-याचदा वेळीच उपचार न मिळाल्याने अनेकांना जीव गमवावा लागतो. ग्रामीण भागात अशी संख्या अधिक आहे. मात्र, आता केनियात झालेल्या संशोधनात एक क्रांतीकारक शोध लागला आहे. युनिथिओल नावाचे औषध आता सापाच्या विषावर उतारा म्हणून उपयोगी असल्याचे सिद्ध झाले आहे. भविष्यात ते सहज उपलब्ध होणार आहे. त्यामुळे साप चावल्यास घरातल्या घरात उपचार मिळणे सोपे होणार आहे.
या औषधाचा ६४ लोकांवर प्रयोग करण्यात आला. त्यात यश मिळाले आहे. हे औषध आधी धातू विषाक्ततेसाठी वापरले जात होते. याचा सकारात्मक परिणाम दिसून आला आहे. हे औषध बाजारात सहज उपलब्ध होणार आहे आणि कमी तापमानातही संग्रा ठेवता येते. त्यामुळे साप चावल्यास घरी तातडीने उपचाराची सोय होणार आहे. सर्पदंशातील मृत्यू वेळीच उपचार न मिळाल्याने होत असतात. परंतु केनियात सापाच्या चावण्यावर मोठे संशोधन झाले आहे. या शोधामुळे घरातच सर्पदंशावर उपचार मिळणे शक्य होणार आहे.
आतापर्यंत सर्पदंशावर अ‍ँटीव्हेनम औषध दिले जात होते. ते इंजेक्शनद्वारे देण्यात येत असते. ई-बायोमेडिसिनमध्ये एक लेख प्रकाशित झाला. त्यातील एका अहवालात संशोधकांनी दावा केला की, युनिथिओल नामक औषध जे सापाचे विष संपवण्यास मदत करते, या औषधाचा उपयोग मेटल पॉयझनिंगच्या उपचारात केला जात होता. सापांच्या विषात मेटालोप्रोटीनेज आढळते. जे पेशींना धोका पोहोचवते, त्यासाठी झिंकची आवश्यकता असते. ते हे शरीरातून घेते. युनिथिओल ही औषधी झिंकला मार्गातून हटवून विष पसरविण्याचा मार्ग बंद करून टाकते.
कॅप्सूलमध्ये मिळू शकते औषधी
युनिथिओल हे औषध पाण्यासोबत गोळीप्रमाणेदेखील खाता येते. तसेच या औषधास प्रतिकूल वातावरणातही ठेवता येते. म्हणजे हे औषध कॅप्सुलच्या फॉर्ममध्ये बाजारात पुढे-मागे मिळू शकते. आतापर्यंत सांपाच्या विषाला संपवणारी जेवढी औषधे बनविली, त्यांना साठवून ठेवण्यासाठी एका विशिष्ट तापमानाची गरज असते. पण हे औषध गाव पातळीवर उपलब्ध नसते. त्यामुळे गावात सर्पदंशाने माणसे अधिक दगावतात.
