परभणी : मेडिटेरियन सोसायटी ऑफ पेल्व्हिक फलोअर डिसऑर्डर (एमएसपीएफडी) आणि इजिप्शिअन सोसायटरी ऑफ कोलॉन अँन्ड रेक्टम (इएससीआर) ची १९वी वार्षिक परिषद इजिप्त येथील कैरो याठिकाणी दि.१० ते १२ एप्रिल २०२५ या काळात आयोजीत केली होती.
या परिषदेत कॉम्प्लेक्स फिशुला इन टू सिम्पल फिशुला इन अ‍ॅनो (इफ्टॅक) या विषयावर परभणी येथील प्रसिद्ध मुळव्याध तज्ञ डॉ.आनंद कुलकर्णी उंडेगावकर यांनी शोध प्रबंध सादर केला. भारतातील निवडक डॉक्टरांची या परिषदेसाठी निवड करण्यात आली होती.
या परिषदेत डॉ.महेश संघवी, डॉ.अंजली कुलकर्णी उंडेगावकर यासह अमेरिका, चीन, फ्रान्स, इंग्लंड, स्वित्झर्लंड, इजिप्त, इटली, जर्मनी, ग्रीस इत्यादि देशातील मुळव्याध तज्ञ डॉक्टर्स उपस्थित होते. यापूर्वी डॉ.उंडेगावकर यांनी अनेक राष्ट्रीय, आंतरराष्ट्रीय मुळव्याध परिषदेत सहभाग नोंदवला आहे. मागील २३ वर्षांपासून परभणीत स्वास्थ्य मुळव्याध हॉस्पिटलच्या माध्यमातून डॉ.आनंद कुलकर्णी, उंडेगावकर हे मुळव्याध जनजागृतीचे काम करत आहेत. त्यांच्या यशाबद्दल सर्वत्र अभिनंदन होत आहे.
