परभणी : नांदेड दक्षिणचे नवनिर्वाचित आमदार आनंद तिडके बोंढारकर यांनी सेवानिवृत्त सहाय्यक पोलीस आयुक्त डी. एन. ढोले पाटील यांच्या पद्मजा सिटी नांदेड येथील निवासस्थानी सदिच्छा भेट दिली. याप्रसंगी आ. बोंढारकर यांचे स्वागत करून विधानसभा निवडणुकीत निवडून आल्याबद्दल अभिनंदन करण्यात आले.
नांदेड दक्षिण विधानसभा मतदार संघातून आ. आनंद तिडके बोंढारकर यांनी विजय मिळवला आहे. या विजया नंतर त्यांनी सेवानिवृत्त एसीपी ढोले पाटील यांच्या निवासस्थानी दि.२७ नोव्हेंबर रोजी सदिच्छा भेट दिली. यावेळी नवनिर्वाचित आ. तिडके बोंढारकर यांचे सेवानिवृत्त एसीपी ढोले पाटील यांनी पुष्पगुच्छ देवून स्वागत केले व पुढील वाटचालीसाठी शुभेच्छा देण्यात आल्या.
यावेळी त्यांनी सेवानिव्ृात्त एसीपी ढोले पाटील यांच्याशी विविध विषयांवर चर्चा केली. तसेच विधानसभा मतदार संघातील विकास कामाबद्दल उपस्थित पदाधिकारी व कार्यकर्त्यांनी आपली मते व्यक्त केली. या प्रसंगी अ‍ॅड. बालाजी घोरपडे, अ‍ॅड. दीपक मोदानी, उद्योजक दिनेश धूत, विनय गिरडे पाटील, माजी नगरसेवक यादव व पदाधिकारी, कार्यकर्ते उपस्थित होते.
