नांदेड : प्रतिनिधी
दिलेले पैसे परत करण्याचा तगादा लावल्यामुळे त्या मानसिक त्रासास कंटाळून एका व्यक्तीने विषारी औषध प्राशन करून आत्महत्या केली. आत्महत्येस प्रवृत्त केल्याप्रकरणी एका महिलेविरुद्ध कुंडलवाडी पोलीस ठाण्यात गुन्हा नोंद झाला आहे.
बिलोली तालुक्यातील कुंडलवाडी येथील दस्तगीर गल्ली येथे शेख युसुफसाब महबूबसाब (वय ५७) यांचे वास्तव्य होते. त्यांनी तेथीलच रहिवासी इंद्राबाई सयाराम गोणेलवार यांच्याकडून पैसे घेतले होते. ते पैसे परत करण्याचा तगादा इंद्राबाई यांनी त्यांच्याकडे लावला होता.
त्यामुळे शेख युसुफसाब यांना मानसिक त्रास होत होता. या त्रासास कंटाळून त्यांनी विषारी औषध प्राशन करून २५ एप्रिल रोजी विषारी औषध प्राशन करून जीवन यात्रा संपवली. आत्महत्येस प्रवृत्त केल्याप्रकरणी उपरोक्त महिलेविरुद्ध शेख वसीमा शेख युसुफ यांनी दिलेल्या फियार्दीवरून भारतीय न्याय संहितेच्या कलम १०८ अन्वये कुंडलवाडी पोलीस ठाण्यात गुन्हा नोंद करण्यात आला आहे. पुढील तपास पोलीस उपनिरीक्षक गिरी करीत आहेत.
