लातूर : प्रतिनिधी
वेळा अमावस्या उद्या दि. ११ जानेवारी रोजी असली तरी आतापासूनच गावाकडे जाणा-यांनी मंगळवारी लातूर शहरातील ग्रामीण बस स्थानकावर गर्दी केली होती. भारत हा कृषीप्रधान देशात कृषीशी निगडित अनेक सणवार असतात. असाच एक सण म्हणजे वेळा अमावस्य. हा सण मार्गशीर्ष महिन्यातील अमावसेला मोठया उत्साहात साजरा केला जातो. यासाठी लातूर जिल्ह्यातील शेतकरी बांधव सज्ज झाला आहे. त्याच बरोबर शहरात राहणारे नागरीक आपापल्या गावाकडे निघालेले दिसून येत आहे. जिल्हाभरात उद्या साजरा केला जाणारा सण हा बळीराजाचा मुख्य सण असतो.
वेळ अमावस्या हा सण महाराष्टात प्रामुख्याने लातूर, धाराशिव, सोलापूर जिल्ह्यात मोठया उत्साहात साजरी केला जातो. त्यामुळे बाहेर जिल्ह्यात राहणारे नागरीकांसह विद्यार्थीही गावाकडे निघाले आहेत. शहरातील बस स्थानक क्र. ३ वर वेळ अमावस्याला निगालेल्या नागरीकांसह विद्यार्थ्यांनी एकच गर्दी केल्याचे दिसून आले.
