सोलापूर- सोलापूर कृषी उत्पन्न बाजार समितीच्या निवडणुकी संदर्भातील उच्च न्यायालयात होणारी सुनावणी पुढे गेली आहे. मंगळवार (दि.३) फेब्रुवारी रोजी उच्च न्यायालयाच्या विषय पाटलावर सोलापूर बाजार समितीच्या निवडणुकीच्या मतदार यादीचा विषयच आला नसल्याने सदरची सुनावणी पुढे ढकलण्यात आल्याचे सांगण्यात आले आहे.
दरम्यान, सोलापूर कृषी उत्पन्न बाजार समि तीच्या पंचवार्षिक निवडणुकीची अंमलबजावणी – सुरू करण्यात आली होती. मात्र विधानसभा निवडणुकीच्या अनुषंगाने सोलापूर कृषी उत्पन्न बाजार समितीची निवडणूक प्रक्रिया रद्द करण्यात आली होती. ज्या टप्प्यात सोलापूर कृषी उत्पन्न बाजार समितीची निवडणूक प्रक्रिया स्थगित करण्यात आली होती.
त्याच टप्प्यातून निवडणुकीची पुढील प्रक्रिया सुरू करण्याचे आदेश देण्यात आले होते. (दि.३१) डिसेंबर २०२४ ही स्थगितीची अंतिम तारीख होती. त्यानंतर निवडणुकीची प्रक्रिया सुरू होईल असा अंदाज वर्तवण्यात येत होता. मात्र नवीन मतदार यादीचा विषय समोर आल्याने पुन्हा एकदा बाजार समितीच्या निवडणुकीला स्थगिती देण्यात आली.
सहा महिन्यांच्या कालावधीनंतरची प्रारूप मतदार यादी मतदानासाठी ग्रा धरता येत नाही. असा नियम असल्याने नव्याने प्रारूप मतदारयादी तयार करण्यासंदर्भात पणन संचालकांनी आदेश दिल्यानंतर सदरची निवडणूक स्थगित करण्यात आली होती. त्यावर उच्च न्यायालयात सुनावणी होणार होती. परंतु उच्च न्यायालयाच्या विषय पटलावर सोलापूर बाजार समितीचा विषय येण्याअगोदरच न्यायालयाचे कामकाज संपुष्टात आल्याने, सोलापूर बाजार समितीच्या निवडणुकी संदर्भातील सुनावणी होऊ शकली नाही.
उच्च न्यायालयातील विविध विषय पटलावर सोलापूर कृषी उत्पन्न बाजार समितीचा विषय येण्याअगोदरच कोर्टाचे कामकाज संपुष्टात आले. त्यामुळे यावर सुनावणी होऊ शकली नाही. दर शुक्रवारी उच्च न्यायालयाच्या विषय पटलावर घेण्यात येणाऱ्या विषयांच्या नोंदी मागवल्या जातात. त्या अनुषंगाने येणाऱ्या शुक्रवारी या संदर्भातील नोंदी घेण्यात येऊन त्यानंतर सुनावणी घेण्यात येईल, अशी शक्यता वर्तवली जात आहे. त्यामुळे सोलापूर कृषी उत्पन्न बाजार समितीच्या निवडणुकी संदर्भातील सुनावणी आठवड्यासाठी पुढे गेल्याचा अंदाज व्यक्त केला जात आहे.
