मुंबई : प्रतिनिधी
राज्य सरकारने गुरूवारी ११ आयएएस अधिका-यांच्या बदल्या केल्या आहेत. यामध्ये जिल्हा परिषदेचे मुख्य कार्यकारी अधिकारी, प्रकल्प अधिकारी तसेच सहाय्यक जिल्हाधिकारी स्तरावरील अधिका-यांचा समावेश आहे.
रवींद्र खेबुडकर मुख्य कार्यकारी अधिकारी, जिल्हा परिषद, सिंधुदुर्ग यांची आयुक्त, भूजल सर्वेक्षण व विकास यंत्रणा (जीएसडीए), पुणे म्हणून नियुक्ती करण्यात आली आहे. गजेंद्र बावणे आयुक्त, जीएसडीए, पुणे यांची संयुक्त व्यवस्थापकीय संचालक, महाराष्ट्र राज्य विद्युत वितरण कंपनी लिमिटेड (महावितरण), छत्रपती संभाजीनगर म्हणून नियुक्ती करण्यात आली आहे. डॉ. अपूर्वा बासुर प्रकल्प अधिकारी, एकात्मिक आदिवासी विकास प्रकल्प, जव्हार तथा सहाय्यक जिल्हाधिकारी, जव्हार उपविभाग, पालघर यांची मुख्य कार्यकारी अधिकारी, जिल्हा परिषद, सिंधुदुर्ग म्हणून नियुक्ती करण्यात आली आहे.
विशाल खत्री प्रकल्प अधिकारी, एकात्मिक आदिवासी विकास प्रकल्प, डहाणू तथा सहाय्यक जिल्हाधिकारी, डहाणू उपविभाग, पालघर यांची मुख्य कार्यकारी अधिकारी, जिल्हा परिषद, यवतमाळ म्हणून नियुक्ती करण्यात आली आहे. डोनुरू अनन्या रेड्डी अधिसंख्य सहाय्यक जिल्हाधिकारी, नांदेड यांची प्रकल्प अधिकारी, एकात्मिक आदिवासी विकास प्रकल्प, डहाणू तथा सहाय्यक जिल्हाधिकारी, डहाणू उपविभाग, पालघर म्हणून नियुक्ती करण्यात आली आहे. पी.के. सिद्धार्थ रामकुमार अधिसंख्य सहाय्यक जिल्हाधिकारी, नाशिक यांची प्रकल्प अधिकारी, एकात्मिक आदिवासी विकास प्रकल्प, जव्हार तथा सहाय्यक जिल्हाधिकारी, जव्हार उपविभाग, पालघर म्हणून नियुक्ती करण्यात आली आहे.
कुश मोटवानी अधिसंख्य सहाय्यक जिल्हाधिकारी, नागपूर यांची सहाय्यक जिल्हाधिकारी, वर्धा तथा उपविभागीय अधिकारी, वर्धा म्हणून नियुक्ती करण्यात आली आहे. आकाश वर्मा, अधिसंख्य सहाय्यक जिल्हाधिकारी, वाशिम यांची सहाय्यक जिल्हाधिकारी, गोंडपिंपरी उपविभाग, चंद्रपूर म्हणून नियुक्ती करण्यात आली आहे. नंदला साईकिरण अधिसंख्य सहाय्यक जिल्हाधिकारी, गोंदिया यांची सहाय्यक जिल्हाधिकारी, भंडारा तथा उपविभागीय अधिकारी, भंडारा म्हणून नियुक्ती करण्यात आली आहे. योगेश कुमार मीना अधिसंख्य सहाय्यक जिल्हाधिकारी, हिंगोली यांची सहाय्यक जिल्हाधिकारी, जळगाव तथा उपविभागीय अधिकारी, जळगाव म्हणून नियुक्ती करण्यात आली आहे.
शिवांश सिंह अधिसंख्य सहाय्यक जिल्हाधिकारी, नंदुरबार यांची प्रकल्प अधिकारी, एकात्मिक आदिवासी विकास प्रकल्प, अहेरी तथा सहाय्यक जिल्हाधिकारी, अहेरी उपविभाग, गडचिरोली म्हणून नियुक्ती करण्यात आली आहे.
