नवी दिल्ली : आजच्या स्पर्धात्मक युगात प्रत्येकाला यश मिळवायचे, करिअर घडवायचे आहे. पण या सगळ्यात तुम्ही तुमच्या आरोग्याची किती काळजी घेता हे देखील पाहणे तितकेच महत्त्वाचे आहे. कारण सिर सलामत तो पगडी पचास या वाक्याप्रमाणे जर तुमचे आरोग्य चांगले असेल तरच तुम्ही काम करू शकता. कारण तासनतास सलग काम करणा-यांच्या नैराश्यात वाढ होत असून त्यांनी मायको ब्रेक घेणे अंत्यत आवश्यक असल्याचा अहवाल नुकताच जाहीर करण्यात आला आहे.
आपण ब-याचदा अनेकांच्या तोंडातून ऐकतो, काम संपले की मी आराम करेन असे बोलून बहुतेक जण पुन्हा कामात व्यस्त राहतात. पण असे करणे ही मोठी चूक ठरू शकते. घरगुती आणि कार्यालयीन कामे न थांबता केल्याने तुम्ही आजारी पडू शकता. यामुळे तणाव आणि नैराश्य दोन्ही वाढू शकते. या समस्या टाळायच्या असतील तर मायक्रो ब्रेक्स नक्कीच घ्या. मायक्रो ब्रेक हे छोटे ब्रेक असतात जे तुम्हाला कामावर परत येण्यासाठी रिचार्ज करतात. यामुळे तुमची कार्यक्षमता आणि फोकस दोन्ही वाढते. मायक्रो ब्रेक्स हे छोटे ब्रेक्स आहेत जे तुम्हाला कामावर परत येण्यासाठी रिचार्ज करतात. फक्त एक ते पाच मिनिटे लागतात. आणि ही विश्रांती शनिवार किंवा रविवारच्या विश्रांतीपेक्षा अधिक फायदेशीर असल्याचे तज्ज्ञांचे म्हणणे आहे. हे आपल्याला शारीरिक आणि मानसिकदृष्ट्या आराम करण्यास अनुमती देते. हे मायक्रो ब्रेक तुमच्यावर लगेच परिणाम करतात आणि तुम्हाला आराम देतात.
छोट्या विश्रांतीचे फायदे
जर्नल ऑन प्रोफेशनल डेव्हलपमेंटनुसार, छोटी विश्रांती घेतल्याने फोकस आणि कार्यक्षमता दोन्ही वाढते. खरे तर, जेव्हा तुम्ही विश्रांतीशिवाय बराच वेळ काम करता तेव्हा तुमचा मेंदू थकतो, ज्यामुळे लक्ष केंद्रित करणे कठीण होते. त्यामुळे थोडा ब्रेक घ्या, तुमचे आवडते संगीत ऐका आणि तुमच्या मित्रांशी किंवा सहका-यांशी बोला.
तणाव कमी होण्यास मदत
प्रत्येक काम वेळेत पूर्ण करण्याचे दडपण महिलांवर असते. हा ताण आणि दबाव या दोन्ही गोष्टी तुम्हाला नैराश्यात टाकू शकतात, ज्याची बहुतेक महिलांना जाणीवही नसते. अशा परिस्थितीत, फक्त पाच मिनिटांचा ब्रेक तुमची तणाव पातळी कमी करू शकतो.
कामाच्या गतीवर परिणाम
सतत काम करताना थकवा आला की त्याचा तुमच्या कामाच्या गतीवर परिणाम होतो. अशा परिस्थितीत काहीतरी नवीन विचार करणे कठीण होते. मायक्रो ब्रेक्स नवीन कल्पनांसाठी तुमचे मन रिफ्रेश करतात. या काळात श्वासोच्छवासाचे व्यायाम करावेत. यामध्ये लाइट स्ट्रेंिचग देखील फायदेशीर ठरेल.
एनर्जी लेव्हल वाढवतो
जास्त वेळ सतत काम केल्याने एनर्जी लेव्हल कमी होते. जर तुम्ही ऑफिसमध्ये जास्त वेळ बसून काम करत असालकिंवा घरातील कामात गुंतले असाल तर मायक्रो ब्रेक्स तुम्हाला एनर्जी लेव्हल वाढवण्याची संधी देतात. यामुळे तुमचे हृदय निरोगी राहते आणि मधुमेहासारखे आजारही दूर राहतात.