जुन्नर : जुन्नर गावच्या हद्दीत नगर-कल्याण महामार्गावर कोळमाथा येथे एस.टी.बस व दुचाकीच्या अपघातात दोन तरूण जागीच ठार झाले.तर एस टी बस मागील पिकअप पलटी झाला. हा अपघात शुक्रवारी ११ वाजे दरम्यान झाला.
दुचाकीवरील ऋषीकेश संदीप वायकर वय.२२ रा.येंधे हिवरे ता.जुन्नर,पुणे व ओंकार दत्तात्रय गाडेकर वय.२३ रा.घारगाव ता.संगमनेर,जि.अहमदनगर हे दोघे तरूण ठार झाले आहेत.
ठाणे – मेहकर ही एसटी बस भरधाव वेगात ओतूर कडून आळेफाट्या कडे जात होती.त्याच वेळी आळेफाट्या कडून ओतूर कडे दुचाकी येत होती.
कोळमाथा येथे एस टी बस ची व दुचाकीची धडक झाली यात दुचाकीवरील दोन्ही तरूण गंभीर जखमी झाले होते. स्थानिक नागरीकांनी व पोलीसांनी उपचारासाठी आळेफाटा येथे पाठवले डॉक्टरांनी त्यांना मृत घोषित केले.
अपघाताची माहिती मिळताच ओतूरचे सहायक पोलीस निरीक्षक सचिन कांडगे यांच्या मार्गदर्शनाखाली नामदेव बांबळे,राजेंद्र बनकर,संतोष भोसले यांनी व इतर कर्मचा-यांच्या पथकांनी महामार्गावरील अपघातग्रस्त गाड्या बाजूला करून वाहतूक सुरळीत केली.तसेच सर्व अपघाता ग्रस्त गाड्या पोलीस ठाण्याच्या आवारात नेण्यात आल्याने वाहतूक कोंडी सुटली.पुढिल तपास ओतूर पोलीस करीत आहे.
