मुंबई : सोशल मीडियाच्या जमान्यात मनोरंजन क्षेत्रातील स्टार्स मोठ्या प्रमाणात डीपफेकचे बळी ठरत आहेत. दाक्षिणात्य अभिनेत्री रश्मिका मंदानाच्या डीपफेक व्हिडिओने देशभरात खळबळ उडवून दिली होती, त्यानंतर दिल्ली पोलिसांनी गुन्हा दाखल करून मुख्य आरोपीला नुकतीच अटक केली होती. रश्मिकानंतर अनेक अभिनेत्री डीपफेक्सच्या बळी ठरल्या होत्या. आता अभिनेता अक्षय कुमारही या जाळ्यात अडकला असून अक्षयही डीपफेकचा बळी ठरला आहे.
अक्षयचा एक डीपफेक व्हिडिओ सोशल मीडियावर वेगाने व्हायरल होत आहे, ज्यामध्ये तो एका ऑनलाइन गेम अ‍ॅप्लिकेशनची जाहिरात करताना दाखवला जात आहे. रश्मिका मंदाना, कतरिना कैफ आणि आलिया भट्ट यांसारख्या तारकानंतर, अभिनेता अक्षय कुमार आता एका डीपफेक स्कँडलमध्ये अडकला आहे कारण एका गेमिंग अ‍ॅपची जाहिरात करणा-या अभिनेत्याचा हेरगिरी केलेला व्हिडिओ ऑनलाइन फिरत आहे.
मिळालेल्या माहितीनुसार, अक्षय कुमारने अशा प्रमोशनमध्ये कोणताही सहभाग घेतला नाही. अक्षय कुमारच्या ओळखीचा गैरवापर केल्याप्रकरणी व्हिडिओ बनवणा-यांविरोधात गुन्हा दाखल करण्यात आला असून कायदेशीर कारवाई करण्यात येणार आहे. दिशाभूल करणारा व्हिडिओ तयार करून त्याचा प्रचार करणा-या सोशल मीडिया हँडल आणि कंपनीविरुद्ध सायबर तक्रार दाखल करण्यात आली आहे. तपास अधिकार-यांनी अक्षयने कोणत्याही गेमिंग अ‍ॅपची जाहिरात केली नसल्याचे म्हटले असून, बनावट व्हिडिओ बनवणा-या व्यक्तीचा शोध घेण्यात येत आहे.
