24.3 C
Latur
Tuesday, June 25, 2024
Homeअंतरराष्ट्रीयपॅरिसवरुन मुंबईला येणा-या विमानाला बॉम्बने उडवण्याची धमकी

पॅरिसवरुन मुंबईला येणा-या विमानाला बॉम्बने उडवण्याची धमकी

३०६ प्रवाशांचा जीव टांगणीला

पॅरिस : फ्रान्सची राजधानी पॅरिस येथून मुंबईत येणा-या विस्तारा कंपनीच्या विमानात बॉम्ब असल्याच्या वृत्ताने मोठी खळबळ उडाली आहे. यासंदर्भातील पत्र मिळाल्यामुळे क्रु-मेंबर्स आणि ३०६ प्रवाशांमध्ये प्रचंड खबराट पसरली. यानंतर तात्काळ विमानाची मुंबई विमानतळावर इमर्जन्सी लँडिंग करण्यात आली. सुदैवाने विमानातील सर्वजण सुरक्षित आहेत. यापूर्वी चेन्नईहून मुंबई आणि दिल्लीहून वाराणसीला जाणा-या विमानांमध्येही बॉम्ब असल्याच्या बातम्या समोर आल्या होत्या. मात्र, तपासात काहीच सापडले नाही.

सविस्तर माहिती अशी की, पॅरिसच्या चार्ल्स डी गॉल आंतरराष्ट्रीय विमानतळावरुन विस्ताराची फ्लाइट क्रमांक यूके ०२४ मुंबईला येत होती. यावेळी विमानात बॉम्ब असल्याचे पत्र क्रु-मेंबर्सच्या हाती लागली. याबाबत तात्काळ मुंबई विमानतळाला माहिती देण्यात आली. यानंतर रविवारी सकाळी १०:१९ वाजता मुंबई विमानतळावर विमानाची ईमर्जन्सी लँडिंग करण्यात आली. लँंिडगनंतर विमानातील २९४ प्रवासी आणि 12 क्रू मेंबर्सना सुखरुप बाहेर काढले.

इंडिगो विमान उडवण्याची धमकी
यापूर्वी चेन्नईहून मुंबईला जाणा-या इंडिगोच्या विमानाला बॉम्बची धमकी देण्यात आली होती. फ्लाइट क्रू मेंबरला एक पत्र मिळाले होते, ज्यामध्ये विमान बॉम्बने उडवून देण्याची धमकी देण्यात आली होती. बॉम्बची धमकी मिळताच सुरक्षा यंत्रणा सतर्क झाल्या आणि त्यांनी या प्रकरणाचा तपास सुरू केला. आधी विमानातील सर्व प्रवाशांना सुखरुप उतरवून विमानाची तपासणी करण्यात आली, पण त्यात काहीच संशयास्पद आढळले नाही.

Related Articles

आणखीन बातम्या

मनोरंजन

MOST POPULAR