मुंबई : प्रतिनिधी
महाराष्ट्राच्या राजकीय वर्तुळातून एक मोठी बातमी समोर आली आहे. उपमुख्यमंत्री एकनाथ शिंदेंच्या शिवसेनेत मोठे फेरबदल होण्याची शक्यता आहे. हिवाळी अधिवेशनाच्या पार्श्वभूमीवर अकार्यक्षम मंर्त्यांच्या कामांवर एकनाथ शिंदे नाराज आहेत. अडीच वर्षांचा कार्यकाळ संपत आला असून लवकरच शिंदेसेनेतील अकार्यक्षम मंत्र्यांना डच्चू दिला जाणार असल्याची माहिती समोर आली आहे. त्यामुळे राजकीय वर्तुळात आता चर्चांना उधाण आले आहे.
असे देखील सांगितले जात आहे की, तरुण आमदारांच्या गळ्यात मंत्रिपदाची माळ पडण्याची शक्यता आहे. तर काही राज्यमंर्त्यांना कॅबिनेटमंत्री पद देत त्यांची पदोन्नती केली जाणार असल्याची माहिती सूत्रांनी दिली. ज्या मंर्त्यांना डच्चू दिला जाणार आहे त्या यादीमध्ये संजय शिरसाट, संजय राठोड, दादा भुसे, गुलाबराव पाटील यांची नावं असल्याचे सांगितले जात आहे. राज्यमंत्रिपदी असलेले योगेश कदम, आशिष जयस्वाल या दोघांना राज्यमंत्रिपदावरून थेट कॅबिनेट मंत्रिपद मिळण्याची शक्यता आहे. तर काही नव्या आमदारांना देखील मंत्रिपद मिळण्याची शक्यता आहे.
दरम्यान, महाराष्ट्रातील शिंदेसेनेतील मंर्त्यांच्या कामगिरीवरून उपमुख्यमंत्री एकनाथ शिंदे नाराज असल्याचे सांगितले जात आहे. एकनाथ शिंदे यांनी मंर्त्यांची बैठक बोलावून नाराजी व्यक्त केली. दुष्काळाच्या पार्श्वभूमीवर त्यांनी शिवसेनेच्या मंत्र्यांना कामकाजात सुधारणा करण्याची तंबी दिली. जनतेची कामं, मतदारसंघातील प्रश्न आणि पक्षसंघटनेच्या वाढीकडे लक्ष देण्याचे निर्देश त्यांनी दिल्याचे सांगितले जात आहे. यापूर्वीही कामगिरी सुधारली नाही तर मंत्रिपद गमवावे लागू शकते, असा इशारा शिंदेंनी दिल्याचे वृत्त आहे.
दुष्काळामुळे शेतकरी संकटात आहे. असे असताना शिंदेसेनेच्या मंत्र्यांना आपले मतदारसंघ सोडूशी वाटत नाही त्यामुळे एकनाथ शिंदे यांनी नाराजी व्यक्त करत या मंर्त्यांना तंबी दिली होती. राज्यात दुष्काळाची परिस्थिती असताना मंत्री जबाबदारी असलेल्या जिल्ह्यांचे दौरे का करत नाही? असा सवाल एकनाथ शिंदे यांनी बैठकीत केला होता. ज्या मंत्र्यांना ज्या जिल्ह्याची जबाबदारी दिली आहे त्या मंत्र्यांनी दुष्काळग्रस्त जिल्ह्यांचा दौरा करण्याचे आदेश शिंदेंनी दिले.
