किल्लारी : महेश उस्तुरे
यावर्षी निळकंठेश्वराची महापूजा करून यात्रा मूर्तीची स्थापना आमदार प्रवीण स्वामी व अर्चनाताई पाटील चाकूरकर यांच्या हस्ते करण्यात आली. यावेळी त्याचा सत्कार देवस्थानच्या वतीने करण्यात आला. ही यात्रा दि २९ ऑगस्ट ते मंगळवार दि. ८ सप्टेंबर २०२६ पर्यंत अकरा दिवस चालणार आहे. सकाळी ९ वाजता नवीन किल्लारी ‘ निळकंठेश्वर मंदीरापासून पालखी सोहळा सुरू होऊन ढोल ताशा, टाळ मृदंग,च्या आवजात सर्वांच्या हाती पताका घेऊन ॐ नम: शिवाय, हरहर महादेव, शिव शिव संब सदाशीव या मंत्रोच्चारात किल्लारी पाटी मार्गे जुने गाव निळकंठेश्वर मंदीरापासून तीन किलोमिटरवर आसलेल्या इश्वर दोह येथील शिवलींग पिंडीस भेट देऊन परत निळकंठेश्वर मंदीरात येऊन महापूजा भजन आरती करून आमदार प्रवीण स्वामी, अर्चना पाटील चाकूरकर यांच्या हस्ते यात्रा मूर्ती स्थापन होऊन यात्रेस सुरुवात झाली. जवळपास दहा किलोमिटर पालखी सोहळा झाला. पालखी सोहळ्यात हजारोच्या संखेत भावीक पुरुष महिला सहभागी होते.
या निमित्ताने दररोजची महापूजा, आमदार प्रवीण स्वामी, खासदार ओमराजे निंबाळकर, खासदार शिवाजी काळगे, आमदार रमेश कराड, आमदार राणा जगजीतसिंह पाटील, श्रीशैल्य उटगे, पोलिस अधीक्षक अमोल तांबे, आमदार बस्वराज पाटील, खासदार ओमराजे निंबाळकर, आमदार प्रवीण स्वामी, जिल्हाधिकारी भारत बास्टेवाड, पोलिस अधीक्षक मंगेश चव्हाण, चरणसीग राजपूतअधीक्षक राज्य उत्पादन शुल्क मुंबई, डिवायएसपी कुमार चौधरी, श्रीशैल्य उटगे, तहसीलदार अडसूळ आप्पर तहसीलदार स्वामी, विविध विभागाचे अधिकारी यांच्या हस्ते होणार आहे. यावेळी पालखी सोहळ्यासाठी व पालखीसोबत सपोनी महावीर जाधव यानी फौजफाटा घेऊन स्वता: बंदोबस्त करीत होते. पालखीसोबत पोलिस कर्मचारी पिएसआय गोपाळ शिंदे, एएसआय मरडे, ट्राफिक पोलीस दत्ता जाधव, कृष्णा गायकवाड रवि करके माळी, महिला पोलिस याना घेऊन चोख बेदोबस्त सोबत ठेवला होता.
दररोज प्रवचन, भजन, रोज रात्री नऊ ते बारापर्यंत नामवंत कीर्तनाचा कार्यक्रम होणार आहे. आज दि. ३१ हभप जलाल महाराज नाशिक, दि १ सप्टेंबर रोजी ह भ प विलास महाराज, दि २ रोजी ह भ प माऊली महाराज फुलंब्री ,दि ३ ज्ञानेश्वर माऊली पठाडे, दि ४ ह भ प शिवलीलाताई पाटील, दि ५ रोजी निवृत्ती महाराज इंदुरीकर, दि ६ ह भ प प्रकाश महाराज साठे बीड, दि ७ रोजी रोहिणी परांजपे आळंदी यांचे कीर्तनाचा कार्यक्रम होणार आहे. दि ८ सप्टेंबर रोजी सकाळी ८ ते बारा हभप संभाजी झरे अनसरवाडा पांडुरंग गवळी मंगळवेढा, रघुनाथ बिराजदार घोटाळा, बळीराम बच्चे वलांडी यांचा जंगी भारुडांचा कार्यक्रम राहणार आहे. तसेच रक्तदान, मोफत स्त्री वंधत्व शिबीर डॉ. पोर्णीमा पाटील, नेत्रतपासणी शिबीर, शंकरसेठ हॉस्पीटल सोलापूर मोफत कॅन्सर शिबीर विवेकानंद हॉस्पीटल लातूर, मधुमेह बिपी तपासणी शिबीराचे आयोजन करण्यात आले आहे.
किल्लारी पाटी ते निळकंठेश्वर मंदीर भाविकासाठी मोफत प्रवास सेवा सुर्यकांत बाळापुरे, बालाजी चव्हाण, जनार्दन डुमने व त्यांचे सहकारी मंडळ वहानाची सोय करीत आहेत. १० किलोमिटर पालकी सोहळ्यात जागो जागी भाविकानी पाणी, केळी, फराळचे साहित्य भावीकाना देण्याची सोय केली होती. जय महाकाल मित्र परीवारातर्फे खिचडी व पाणी वाटप करण्यात आले.
