शेरा, समसापूर, गव्हाण येथे नुकसानीची पाहणी

रेणापूर : प्रतिनिधी
रेणापूर तालुक्यातील शेरा, समसापूर व गव्हाण परिसरातील खरीप पिकांच्या नुकसानीची पाहणी करण्यात आली. लातूर जिल्हा मध्यवर्ती सहकारी बँकेचे अध्यक्ष तथा माजी आमदार धिरज विलासराव देशमुख यांच्या सूचनेनुसार करण्यात आलेल्या या पाहणीदरम्यान शेतक-यांशी प्रत्यक्ष संवाद साधून त्यांच्या अडचणी, पिकांची सद्यस्थिती तसेच झालेल्या नुकसानीची माहिती जाणून घेण्यात आली.

तालुक्यात यंदा पावसाने मोठा खंड दिल्याने तसेच प्रतिकूल हवामानाचा फटका बसल्याने खरीप हंगामातील पिकांच्या उत्पादनावर गंभीर परिणाम झाला आहे. अनेक ठिकाणी पिकांची वाढ खुंटली असून सोयाबीनसह इतर खरीप पिकांचे मोठ्या प्रमाणात नुकसान झाल्याचे शेतक-यांनी पाहणीदरम्यान सांगितले. नुकसानग्रस्त शेतक-यांना दिलासा मिळण्यासाठी प्रशासनाने तातडीने प्रत्यक्ष शेतावर जाऊन पिकांचे पंचनामे करावेत, नुकसानीची वस्तुनिष्ठ नोंद घ्यावी आणि शासनाच्या निकषानुसार नुकसानभरपाई व अन्य मदत उपलब्ध करून द्यावी, अशी मागणी यावेळी करण्यात आली. तसेच पीकविमा व शासकीय मदतीसाठी आवश्यक कार्यवाही जलदगतीने करण्याची मागणीही शेतक-यांनी केली.

यावेळी रेणा सहकारी साखर कारखान्याचे चेअरमन अनंतराव देशमुख, रेणापूर तालुका काँग्रेस कमिटीचे अध्यक्ष प्रमोद कापसे, लातूर जिल्हा ग्रामीण काँग्रेसचे उपाध्यक्ष गंगासिंह कदम, निवाडा पंचायत समिती सदस्य बालाजी गोटके, रेणापूर कृषी उत्पन्न बाजार समितीचे उपसभापती अ‍ॅड. शेषराव हाके, रेणा सहकारी साखर कारखान्याचे संचालक संग्राम माटेकर, कृषी उत्पन्न बाजार समितीचे संचालक प्रकाश सूर्यवंशी, हनुमंतराव पवार, शेरा येथील सरपंच जयंत सोनवणे, माधव सोनवणे, बाबूराव पांचाळ, शिवाजी भुरे, सुधाकर सोनवणे, बाळकृष्ण गायकवाड, समसापूर येथील बाळासाहेब गरड, महेश गरड, पपेश दत्त, रामकिशन साबदे, बालाजी बार्लेकर, रामराज फुलसे, अमोल भुजबळ, बाबासाहेब गरड, ज्ञानोबा खोडके तसेच गव्हाण येथील शेतकरी बाळासाहेब पवार, दिलीप पवार, वसंत पवार, राम पवार, ज्ञानोबा पवार, बळीराम शिंदे, निवृत्ती शिंदे, शहाजी पवार आदी उपस्थित होते.