नवी दिल्ली : सार्वजनिक प्रशासन आणि कायदा आणि न्याय विषयक संसदीय समिती शनिवारी जम्मू आणि काश्मीरच्या दौ-यावर आली. समितीचे सदस्य वैष्णोदेवीला रवाना झाले आहेत. त्यानंतर ते पहलगामलाही भेट देऊ शकतात.
समितीचे अध्यक्ष भाजप खासदार आणि माजी पोलिस महासंचालक ब्रिजलाल म्हणाले की, आतापर्यंत ६-७ खासदार जम्मूला पोहोचले आहेत आणि उर्वरित लोक श्रीनगरमध्ये सामील होतील. ही समिती जम्मू-काश्मीरमधील सरकारी कामकाज, कायदा आणि न्याय आणि लोकांना भेडसावणा-या समस्यांचा आढावा घेईल. त्यांनी सांगितले की समिती दोन दिवस जम्मूमध्ये राहील आणि नंतर श्रीनगरला जाईल. या काळात ते पहलगामला जाण्याचा प्रयत्न करतील. यापूर्वी, पहलगाम हल्ला आणि ऑपरेशन सिंदूरवर भारताची बाजू मांडण्यासाठी जपान-सिंगापूरला गेलेल्या शिष्टमंडळात ब्रिजलाल देखील होते.
केंद्र सरकार ७-८ जुलै रोजी पहलगाम येथे एक उच्चस्तरीय बैठक आयोजित करणार आहे, ज्यामध्ये सर्व राज्यांचे पर्यटन सचिव उपस्थित राहतील. ही बैठक पर्यटन मंत्रालय आणि संस्कृती मंत्रालय आयोजित करेल. २२ एप्रिल रोजी पहलगामच्या बैसरन खो-यात दहशतवाद्यांनी पर्यटकांवर गोळीबार केला. या हल्ल्यात एका स्थानिक नागरिकासह २६ जणांचा मृत्यू झाला. २२ एप्रिल रोजी पहलगामच्या बैसरन खो-यात दहशतवाद्यांनी पर्यटकांवर गोळीबार केला. या हल्ल्यात एका स्थानिक नागरिकासह २६ जणांचा मृत्यू झाला.
सुविधांचा आढावा घेऊ
या भेटीदरम्यान समिती जम्मू-काश्मीरचे मुख्य सचिव अतुल दुल्लू आणि इतर वरिष्ठ अधिका-यांची भेट घेणार आहे. याशिवाय समिती माता वैष्णोदेवी श्राइन बोर्डाचे सीईओ अंशुल गर्ग आणि अधिका-यांचीही भेट घेणार आहे. ब्रिज लाल म्हणाले की ते माँ वैष्णोदेवी मंदिरात जात आहेत, जिथे ते सीईओंना भेटतील आणि भाविकांना दिल्या जाणा-या सुविधा आणि येणा-या समस्यांबद्दल चर्चा करतील. यानंतर, समिती पीएनबी, पॉवर ग्रिड आणि इतर दोन सार्वजनिक उपक्रमांसोबत बैठक घेईल. श्रीनगरमध्येही सरकार आणि सार्वजनिक उपक्रमांसोबत चर्चा होईल.
