नवी दिल्ली : केंद्र सरकारने इंटेलिजन्स ब्युरो (आयबी) चे विशेष संचालक महेश दीक्षित यांची देशाच्या अंतर्गत गुप्तचर संस्थेचे नवीन प्रमुख म्हणून नियुक्ती केली आहे. ते ३० जून रोजी कार्यकाळ पूर्ण करत असलेल्या तपन कुमार डेका यांची जागा घेतील. केंद्र सरकारने महेश यांची दोन वर्षांसाठी आयबी संचालक म्हणून नियुक्ती केली आहे.
महेश दीक्षित हे १९९३ च्या बॅचचे आंध्र प्रदेश कॅडरचे आयपीएस अधिकारी आहेत. सध्या ते कइ मध्ये विशेष संचालक आणि एजन्सीचे दुसरे सर्वात वरिष्ठ अधिकारी आहेत. यापूर्वी त्यांनी जम्मू-काश्मीरमध्ये सब्सिडियरी इंटेलिजन्स ब्युरो (एसआयबी) चे प्रमुख म्हणूनही काम पाहिले आहे. त्यांना दहशतवादविरोधी आणि गुप्तचर मोहिमांचा दीर्घ अनुभव आहे.
सध्याचे आयबी संचालक तपन कुमार डेका यांचा कार्यकाळ ३० जून २०२६ रोजी संपत आहे. डेका हे १९८८ च्या बॅचचे हिमाचल प्रदेश कॅडरचे आयपीएस अधिकारी आहेत. ते जुलै २०२२ पासून आयबी प्रमुख होते. सरकारने त्यांना दोनदा सेवा विस्तार दिला होता.
