अमरावती : अमरावतीतील नांदगाव-खंडेश्वर महामार्गावर भीषण अपघात झाला आहे. खासगी बस आणि सिमेंट मिक्सरचा अपघात झाला आहे. यात ४ तरुणांचा मृत्यू झाल्याची माहिती मिळत आहे. तसेच दहाजण गंभीर जखमी झाल्याचे कळत आहे. जखमींना नांदगाव-खांडेश्वर आरोग्य रुग्णालयात दाखल करण्यात आले आहे.
सकाळच्या सुमारास क्रिकेटचा सामना खेळण्यासाठी तरुणांचा एक गट एका खासगी बसमधून यवतमाळला निघाला होता. यावेळी खासगी बस सिमेंट मिक्सरच्या ट्रकला जाऊन आदळली. यात वाहनांचे मोठे नुकसान झाले आहे. बसमध्ये असलेल्या चार तरुणांचा जागीच मृत्यू झाला. तर दहा जणांची स्थिती गंभीर असल्याचे कळते आहे.
अमरावतीतील नांदगाव-खंडेश्वर महामार्गावर अपघातांची मालिका सुरूच आहे. या महामार्गावरील अपघातांची संख्या वाढतच आहे. रस्त्यावर खड्ड्यांची संख्या देखील जास्त आहे. सध्या गावागावांत क्रिकेट स्पर्धा सुरू आहेत. त्यासाठी १४ तरुणांचा एक संघ क्रिकेट खेळण्यासाठी यवतमाळ येथे बसमधून जात होता. यावेळी हा दुर्दैवी अपघात झाला आहे.
