नवी दिल्ली : जगातील सर्वाधिक लोकसंख्या असलेला देश गेल्या वर्षी (२०२३) दुसऱ्या क्रमांकावर आला आणि भारताने त्याची जागा घेतली. हा ट्रेंड अजूनही सुरू आहे. चीनच्या आकडेवारीनुसार, त्याची लोकसंख्या १४० कोटी म्हणजेच १.४०९ अब्ज आहे, जी गेल्या वर्षीच्या तुलनेत सुमारे २० लाख कमी आहे. तर भारताची लोकसंख्या १४२ कोटी म्हणजे १.४२५ अब्ज आहे. चीनच्या लोकसंख्येत सलग दुसऱ्या वर्षीही घट झाली आहे. त्यामुळे जगातील दुसऱ्या क्रमांकाच्या अर्थव्यवस्थेच्या भविष्यातील विकासाबाबत चिंता वाढली आहे.
या आकडेवारीवरून असे दिसून येते की, चीनमधील जन्मदर कमी होत आहे आणि वेगाने शहरीकरण वाढत आहे. चीनचे म्हणणे आहे की त्यांचा जन्मदर १,००० लोकांमागे ६.३९ इतका घसरला आहे, जो विक्रमी कमी आहे. १९८० ते २०१५ पर्यंतच्या वादग्रस्त एक मूल धोरणानंतर, चीनने गेल्या काही वर्षांत कुटुंबांना मुले जन्माला घालण्यासाठी प्रोत्साहन देण्यासाठी अनुदाने आणि इतर धोरणांचा अवलंब केला होता. मात्र, या चिनी सरकारच्या डावपेचांचा फारसा परिणाम झाला नाही. देशातील महिलांमध्ये जीवनाचा दर्जा आणि करिअरबाबत वाढत्या जागरूकता दरम्यान जन्मदर सातत्याने कमी होत आहे.
