लातूर : प्रतिनिधी
मराठा आरक्षणासाठी मनोज जरांगे यांना पाठींबा म्हणून येथे गेली पाच दिवसांपासून आमरण उपोषण करीत असलेले लातूर जिल्हा मराठा क्रांती मोर्चाचे डॉ. हर्षवर्धन राऊत व अविनाश सूर्यवंशी यांची गुरुवारी सकाळी पकृती खालावल्याने त्यांना तातडीने येथील शासकीय रुग्णालयात हलवण्यात आले.
डॉ. राऊत यांचा रक्त्तदाब व अशक्तपणा वाढला होता. त्यांना भोवळही येत होती. अविनाश सूर्यवंशी यांना लघवीचा त्रास होता व त्यांच्या छातीत दुखत होते या दोघांचीही डॉक्टरांनी उपोषनस्थळी तपासणी केली व त्यांना रुग्णवाहीकेने रुग्णालयात पाठवण्यात आले. या दोघांनाही दुपारी डिसचार्ज देण्यात आला आहे. दरम्यान रेणापूर तालुक्यातील गरसोळी येथील उपोषणकर्ते श्रीधर पवार यांचीही प्रकृती ढासाळल्याने त्यांच्यावरही शासकीय रुग्णालयात उपचार सुरु आहेत.
