नवी दिल्ली : रिअल इस्टेट फर्म सीबीआरईने सोमवारी एका अहवालात म्हटले आहे की, भारतातील सात प्रमुख शहरांमध्ये ४ कोटी रुपये आणि त्याहून अधिक किमतीच्या आलिशान घरांची विक्री दुपटीने वाढली आहे. अहवालानुसार, जानेवारी ते सप्टेंबर २०२३ दरम्यान वार्षिक ९७ टक्क्यांनी वाढ झाली आहे. या कालावधीत एकूण लक्झरी घरांच्या विक्रीतील ९० टक्के वाटा दिल्ली-एनसीआर, मुंबई आणि हैदराबादचा आहे. विक्रीत दिल्ली-एनसीआरचा वाटा ३७ टक्के, मुंबईचा ३५ टक्के, हैदराबादचा १८ टक्के आणि उर्वरित ४ टक्के पुण्याचा आहे.
भक्कम अर्थव्यवस्था, वाढती डिस्पोजेबल उत्पन्न, सुधारित राहणीमानाची आकांक्षा आणि प्रमुख महानगरीय भागात लक्झरी निवासस्थानांची कमतरता यासह अनेक घटकांनी लक्झरी घरांच्या विक्रीत वाढ घडवून आणली. सीबीआरईने सांगितले की, ऑक्टोबर ते डिसेंबर या सणासुदीच्या हंगामात लक्झरी घरांच्या विक्रीत आणखी वाढ होण्याची शक्यता आहे. ऑक्टोबर-डिसेंबर तिमाहीत प्रथमच लक्झरी घर खरेदी करणाऱ्यांची संख्या वाढण्याची शक्यता अहवालात वर्तवण्यात आली आहे. सीबीआरईने सांगितले की, वाढती आकांक्षा आणि वाढती भारतीय अर्थव्यवस्था या वाढीचे प्राथमिक कारण आहे. विकासकांचे प्रोत्साहन आणि नवीन स्मार्ट होम टेक्नॉलॉजी यामुळे ही भरभराट होताना दिसत आहे.
