मुंबई : प्रतिनिधी
राष्ट्रवादीतील अंतर्गत कलह रुपाली ठोंबरे-पाटील यांच्या वक्तव्यानंतर चव्हाट्यावर आला. त्यांनी तटकरे आणि पटेलांवर तोंडसुख घेतले. प्रशांत किशोर यांना राजकीय सल्लागार नेमण्यावरून वादंग उठल्याचे समोर येत आहे. या घडामोडींवर भुजबळांची बोलकी प्रतिक्रिया आली आहे.
राष्ट्रवादीतील धुसफूस पुन्हा एकदा समोर आली आहे. अजितदादांनंतर पक्षातील वरिष्ठ वर्तुळात नाराजीचा सूर अनेकदा दिसून आला. आता रणनीतीकार प्रशांत किशोर यांना राजकीय सल्लागार नेमण्यावरून वादंग उठले आहे. तटकरे यांना प्रदेशाध्यक्षपदावरून हटवण्याची शक्यता वर्तवली जात आहे. तर कालपासून काही नेत्यांची खदखद सोशल मीडियावरून समोर आली आहे. रुपाली ठोंबरे-पाटील यांनी तर तटकरे आणि पटेलांचे नाव घेऊन पुन्हा आरोपांची राळ उडवली. या सर्व घडामोडींवर मंत्री छगन भुजबळांनी येवला येथे माध्यमांशी बोलताना प्रतिक्रिया दिली आहे.
प्रशांत किशोर उपमुख्यमंत्री सुनेत्रा पवार यांना भेटले. यावेळी खासदार पार्थ पवारही उपस्थित होते. यावर बोलताना, ते भेटले असतील ते कधी आम्हालाही भेटतात. त्याचा अर्थ ते राजकीय सल्लागार होऊन त्यांची नियुक्ती झाली असे मला वाटत नाही, असे मोठे वक्तव्य भुजबळांनी केले.
