लातूर : प्रतिनिधी
शहरातील विश्वरत्न डॉ. बाबासाहेब आंबेडकर उद्यानातील विद्यमान क्रांतिसूर्य महात्मा ज्योतिराव फुले यांच्या पूर्णाकृती पुतळ्या शेजारी क्रांतीज्योती सावित्रीबाई फुले यांचा भव्य पूर्णाकृती पुतळा उभारण्यात यावा, या मागणीसाठी दि. ३ ऑगस्ट रोजी लातूर महानगरपालिका आयुक्त, महापौर, मनपा नगरसेवक यांना सर्व समाजातील महिलांच्या वतीने निवेदन देण्यात आले.
या निवेदनावर शहरातील विविध समाजघटकांतील महिला, सामाजिक कार्यकर्त्या, शिक्षिका, विद्यार्थिनी, विविध संघटनांचे पदाधिकारी तसेच समतावादी नागरिक यांच्या मोठ्या संख्येने स्वाक्ष-या करण्यात आल्या. निवेदन देण्याच्या वेळी मोठ्या संख्येने महिला व नागरिक उपस्थित होते. त्यामुळे या मागणीला व्यापक लोकसमर्थन लाभल्याचे चित्र पाहायला मिळाले. या निवेदनावर आशा सुशील चिकटे, शोभाताई सोनकांबळे, सुजाता आजनिकर, निर्मला थोटे, शशिकला सुरवसे, निर्मला गौरकर, सरिता बनसोडे, मयुरी आल्टे, प्रणिता वाघमारे, मंगल कांबळे, कविता कदम, प्रतिभा कांबळे, शामल कांबळे, ललिता गायकवाड, प्रेमीला आपटे, शकुंतला नेत्रागावकर, बेबी कांबळे, मीना कदम, सुशील चिकटे, उदय सोनवणे, पांडुरंग अंबुलगेकर, मुकुंद वाघमारे, प्रा. विश्वनाथ आल्टे, ज्योतीराम लामतुरे, मिलिंद धावारे आदींसह नागरिकांच्या स्वाक्ष-या आहेत.
