कोलकाता : पश्चिम बंगाल सीमेचा ६०० किलोमीटरचा एक भाग असा आहे, जिथे बांगलादेशसोबतची सीमा पूर्णपणे खुली आहे. कोणतेही कुंपण नाही. येथे काही दिवसांपूर्वी जेव्हा बीएसएफची टीम सीमा मोजण्यासाठी पोहोचली, तेव्हा गावक-यांनी मिठाई वाटली. हा मुर्शिदाबाद जिल्ह्यातील जलंगी बाजारात शून्य रेषेवर वसलेले सकारपाडा गाव आहे.
४ हजार लोकसंख्या आणि २५०० मतदार. यापैकी ९५% लोक शेतीवर अवलंबून आहेत. गावाचे भौगोलिक स्थान अत्यंत संवेदनशील आहे. घरे संपताच शेते येतात आणि शेते संपताच बांगलादेश सुरू होतो. ग्रामपंचायत सदस्य पिंटू मंडल यांचे घर गावात सर्वात शेवटी आहे. कुटुंबाकडे ३० बिघा जमीन आहे. स्थानिक पिंटू मंडल यांनी सांगितले की, आम्हाला संध्याकाळी ५ वाजेनंतर आमच्या शेतात जाण्याची परवानगी नाही, पण बांगलादेशचे लोक कधीही आमच्या शेतात घुसतात आणि पिके कापून घेऊन जातात. गेल्या ३० वर्षांत असा एकही महिना गेला नाही, जेव्हा त्यांच्याशी वाद झाला नसेल, पण आता असे होणार नाही, कारण बीएसएफने कुंपण (फेंसिंग) लावायला सुरुवात केली आहे.
तिथून कोणतीही हालचाल होताच, जवान माईकवरून इशारा देत असत. त्यामुळे आम्हाला आशा असते की, रात्री जसे पीक सोडू, सकाळी तसेच मिळेल. आता तर आम्हीही अराजक बांगलादेशींना आव्हान देत आहोत.
बीएसएफला २७ किमी जमीन दिली गेली आहे
बंगालमध्ये नवीन सरकार स्थापन झाल्यापासून आतापर्यंत बीएसएफला सीमेची २७ किमी जमीन देण्यात आली आहे. यापैकी १८ किमीवर कुंपण घालण्यात येणार आहे आणि ९ किमीवर सीमा चौकी (बॉर्डर आउट पोस्ट) विकसित करण्याची योजना आहे.
