सोलापूर : सोलापूर महापालिका निवडणुकीसाठी भाजपच्या उमेदवार रंजिता चाकोते यांची घरपट्टी थकीत असतानाही त्यांचा अर्ज मंजूर केल्याच्या आरोप काँग्रेसच्या उमेदवार रमाबाई पांडागळे यांनी केला आहे.
सोलापूर महापालिका निवडणुकीसाठी अर्ज छाननी बुधवारी ३१ डिसेंबर रोजी पूर्ण झाली. तपासणी दरम्यान प्रभाग क्रमांक तीन क मधून भाजपने रंजिता चाकोते यांना उमेदवारी दिली आहे. मात्र या अर्जावर काँग्रेसच्या उमेदवार रमाबाई पांडागळे यांनी हरकत घेतली आहे. पांडागळे यांच्या म्हणण्यानुसार भाजप उमेदवार रंजीता चाकोते यांनी उमेदवारी अर्जावर जो पत्ता लिहिला आहे.
त्या घराची महापालिकेकडे खूप मोठी थकबाकी आहे. थकबाकी असल्यामुळे त्यांचा अर्ज नामंजूर करावा अशी मागणी रमाबाई पांडागळे यांनी केली होती. हरकतीवर सुनावणी दरम्यान निवडणूक निर्णय अधिकाऱ्यांनी संबंधित घराचे मालक व रंजीता चाकोते यांचे नाते असल्याचे सिद्ध करणारा कागद काँग्रेसच्या उमेदवाराने न दिल्यामुळे रंजीता चाकोते यांच्या घराची थकबाकी असल्याचे म्हणता येत नाही, असे म्हणत अर्ज नामांजूर केला आहे, अशी माहिती रमाबाई पांडागळे यांनी दिली.
दरम्यान सकाळच्या सत्रामध्ये शिवसेना शिंदे गटाचे जिल्हाप्रमुख अमोल शिंदे व काँग्रेसचे शहराध्यक्ष चेतन नरोटे यांनीही त्यांचे म्हणणे मांडण्यासाठी पोलिसांनी वकिल्यांबरोबर त्यांना आत सोडावे अशी मागणी धरली होती. मात्र पोलिसांनी त्यांना त्यासाठी अडवल्याचे सांगितले आहे.
