१३ कोटी ७० लाखांचा भ्रष्टाचार

बीड : १३ कोटी ७० लाख रुपयांच्या देखभाल व दुरुस्ती निधीत केलेल्या अनियमितता प्रकरणात चौकशीअंती अखेर महावितरणचे संचालक धनंजय औंढेकर यांनी बीडचे अधीक्षक अभियंता प्रेमसिंग राजपूत यांच्यासह बीडचे कार्यकारी अभियंता सुबोध डोंगरे, गेवराईचे उपकार्यकारी अभियंता शाम मोरे, तलवाड्याचे सहायक अभियंता चंद्रकांत प्रधान, सिरसदेवीचे कनिष्ठ अभियंता महेंद्र गुंजाळ, गेवराईचे सहायक अभियंता शाम कुंभार अशा एकूण सहा जणांवर निलंबनाची कारवाई केली आहे. त्यामुळे बीडच्या महावितरणमध्ये एकच खळबळ उडाली आहे. संभाजीनगरच्या महावितरणच्या प्रादेशिक कार्यालयाकडून अधिका-यांच्या निलंबनाचे हे आदेश गुरुवारी दुपारी २ वाजता महावितरणच्या मानव संसाधन विभागाकडे धडकले.

गेवराईचे आमदार विजयसिंह पंडित यांनी बीड महावितरणच्या कार्यालयात १३ कोटी ७० लाख रुपयांच्या देखभाल व दुरुस्ती निधीत भ्रष्टाचार आणि आर्थिक अनियमितता झाल्याची लेखी तक्रार २५ ऑगस्ट २०२६ महावितरणच्या मुंबई येथील कार्यकारी संचालकांकडे केली होती. या तक्रारीत त्यांनी सन २०२५-२६ या आर्थिक वर्षात देखभाल आणि दुरुस्तीच्या कामांसाठी मंजूर झालेल्या १३.७० कोटी रुपयांच्या निधीचे वाटप नियमबा पद्धतीने करण्यात आल्याचे म्हटले होते. त्याचबरोबर महावितरणच्या अधिका-यांनी २० ते २५ टक्के लाचेची देवाणघेवाण करून मर्जीतील ठराविक कंत्राटदारांनाच हा निधी वाटला होता. अधिकारी आणि कंत्राटदारांनी संगनमत करून प्रत्यक्ष कामे न करताच शासकीय निधीचा अपहार केला होता.
दोघांकडून तीन वेळा गोपनीय चौकशी
१३ कोटी ७० लाख रुपयांच्या निधीच्या अपहार प्रकरणी तक्रार मिळताच महावितरणचे संचालक धनंजय औंढेकर यांनी लातूर येथील महावितरणच्या अधीक्षकांना चौकशी समिती नियुक्त करून अहवाल सादर करण्याचे आदेश दिले होते. या प्रकरणी अधीक्षक अभियंता मेंटनन्स नितीन काळे व कार्यकारी अभियंता (मेंटनन्स) सुनील पावरा यांना चौकशीसाठी नियुक्त करण्यात आले होते. चौकशीसाठी नियुक्त केलेले अधिकारी काळे आणि पावरा यांनी बीडमध्ये येऊन अपहार प्रकरणी तब्बल तीन वेळा चौकशी केली होती. चौकशीनंतर दोन्ही अधिका-यांनी महावितरणचे संचालक धनंजय औंढेकर यांना गोपनीय चौकशी अहवाल सादर केला. त्यानंतर औंढेकर यांनी गुरुवारी तडकाफडकी सहा अधिका-यांच्या निलंबनाचे आदेश काढले.

निलंबन आदेश दुपारी धडकले
१३ कोटी ७० लाख रुपयांच्या निधीतील अपहार प्रकरणी गुरुवारी सहा अधिका-यांच्या निलंबनाचे आदेश महावितरणच्या संभाजीनगर येथील प्रादेशिक कार्यालयातून बीडच्या कार्यालयाला धडकले. बीड महावितरणचे मानव संसाधन उपव्यवस्थापक अमोल काळे यांच्याकडून निलंबन आदेशाची प्रत देण्याचे काम सुरू होते. जे अधिकारी निलंबन आदेशाची प्रत स्वीकारणार नाहीत, त्यांना हे आदेश मेलद्वारे पाठवले जाणार आहेत.

हिवाळी अधिवेशनात लक्षवेधीच्या अगोदरच निलंबनाचा शॉक
१३ कोटी ७० लाख रुपयांच्या निधीतील अपहार प्रकरणाची माहिती शासनाकडून संकलित केली जात होती. कारण या अपहार प्रकरणी येत्या ८ डिसेंबर २०२६ रोजी हिवाळी अधिवेशनात लक्षवेधी सूचना मांडली जाणार होती. लक्षवेधी सूचनेच्या अगोदरच महावितरणचे धनंजय औंढेकर यांनी महावितरणच्या सहा अधिका-यांना निलंबनाचा शॉक दिला आहे.

Hot this week

नांदेडात एकाच दिवशी दोन अधिकारी निलंबित

नांदेड : महापलिकने हाती घेतलेल्या १०० दिवस विशेष कार्यक्रमात...

सुर्यकांत सरन्यायाधीशांच्या खुर्चीवर बसण्याच्या लायक नाहीत

नवी दिल्ली : सर्वोच्च न्यायालयात सोमवारी सरन्यायाधीश सूर्यकांत आणि...

कोलकात्याकडून दिल्ली पराभूत

दिल्ली : कोलकाता नाईट रायडर्स टीम अखेर विजयी ट्रॅकवर...

पुण्यात उभारणार महाराष्ट्रातील सर्वांत मोठे बसस्थानक; ८२५ कोटींचा पुनर्विकास...

पुणे : पुण्यातील शिवाजीनगर एसटी बसस्थानकाचा लवकरच कायापालट होणार...

बंगालच्या उपसागरात आणखी एक चक्रीवादळ

कोलकाता : बंगालच्या उपसागरामध्ये आणखी एक चक्रीवादळ निर्माण झाले...

Related Articles

EKMAT DIGITAL
Video thumbnail
Latur Crime News|लातूरमध्ये ग्रामसेवकाच्या घरात १५ लाखांची चोरी; गेट कापून चोरट्यांचा प्रवेश
02:35
Video thumbnail
DCM Sunetra Pawar|नांदेडमध्ये दुष्काळाचा आढावा; सुनेत्रा पवारांचे मोठे निर्देश
07:19
Video thumbnail
Latur News|प्रेम,विरह अन् स्त्रीच्या वेदना! 'पगला घोडा' नाटकाने प्रेक्षकांना केले अंतर्मुख
07:55
Video thumbnail
Purna|हाजी भाई कुरेशी यांचा वाढदिवस पूर्णा शहरात जल्लोषात
05:38
Video thumbnail
Nanded|कंधारमध्ये शॉर्टसर्किटमुळे दोन एकर ऊस जळून खाक; शेतकऱ्यांचे लाखोंचे नुकसान
01:17
Video thumbnail
Dhiraj Deshmukh|धीरज देशमुखांचा पाच मुद्द्यांवर मोठा खुलासा!लातूर निवडणूक,सोनिया गांधी पुस्तक,जरांगे
07:14
Video thumbnail
Latur News|लातूरमध्ये १२ तासांचे भजन आंदोलन स्थगित! बी झोन कार्यालयात रात्री उशिरा बैठक
02:02
Video thumbnail
Latur City Bus|लातूरची सिटी बस सेवा बंद! १८ बसेस जाग्यावर, नागरिकांना आर्थिक भुर्दंड
03:36
Video thumbnail
Latur|लातूरमध्ये सफाई कामगारांच्या हक्कांसाठी राष्ट्रीय सफाई आयोग आक्रमक
04:18
Video thumbnail
Latur News | सोनिया गांधींच्या पुस्तकाच्या विटंबनेविरोधात काँग्रेसचे आंदोलन; मडकी फोडून निषेध
02:25
Video thumbnail
Himayatnagar News | दुष्काळग्रस्त शेतकऱ्यांसाठी श्री परमेश्वर मंदिर ट्रस्टची ११ लाखांची मदत
02:16
Video thumbnail
Nanded News | अशोक चव्हाणांसह चार आमदारांना धमकी देत खंडणीची मागणी; आरोपी मुंबईतून अटकेत
03:59
Video thumbnail
Latur Crime News | कोऱ्या बॉण्डपेपरवर सह्या घेऊन घर हडपल्याचा आरोप; महिला सावकाराविरोधात गुन्हा
02:16
Video thumbnail
Latur Crime News | अवैध सावकारीचा थरार; एक कोटींच्या व्यवहारावरून मारहाण, जीवे मारण्याची धमकी
02:55
Video thumbnail
Latur News | मनपा झोन कार्यालयात टाळ वाजवून भजन आंदोलन; अवैध बांधकामे हटवण्याची मागणी
06:23

Latest news