मुंबई : राज्य मंत्रिमंडळाची एक महत्त्वाची बैठक संपन्न झाली. यामध्ये ९ महत्त्वाच निर्णय घेण्यात आले आहेत. ते खालीलप्रमाणे…
१. राज्यात न्यायिक अधिका-यांची अतिरिक्त २,८६३ आणि सहाय्यभूत ११,०६४ पदे निर्माण करण्यास तसेच ५,८०३ पदे बा यंत्रणेद्वारे उपलब्ध करुन घेण्यास मंजुरी देण्यात आलेली आहे.
२. राज्यात नागरी भागातील अतितीव्र कुपोषित बालकांसाठी नागरी बाल विकास केंद्र सुरू करण्यास मान्यता.
३. ग्रामविकास विभागातील योजनांच्या जाहिरात व प्रसिद्धीसाठी नवीन लेखाशिर्ष उघडण्यास मंजुरी
४. शासकीय लेख्यातून आहरित केलेल्या सहायक अनुदानाच्या जलद संवितरण व संनियंत्रणासाठी आहरण व संवितरण अधिका-यांकरिता आभासी वैयक्तिक ठेव लेखा कार्यपद्धती लागू करण्यास मंजुरी.
५. ‘सत्यशोधक’ मराठी चित्रपटास आकारल्या जाणा-या राज्य वस्तू व सेवा कराच्या प्रतिपूर्तीस मंजुरी
६. जिल्हा दिव्यांग पुनर्वसन केंद्र, विरार या कार्यालयातील कर्मचा-यांना भविष्य निर्वाह निधी योजना व सेवानिवृत्ती वेतन योजना लागू करण्यास मंजुरी
७. पंडित दीनदयाळ उपाध्याय घरकुल जागा खरेदी अर्थसहाय्य योजनेंतर्गत भूमिहीन पात्र लाभार्थ्यांना जागा खरेदीसाठीच्या अनुदानात रु. ५० हजारांवरून वरुन रु. एक लाखांपर्यंत वाढ.
८. महाराष्ट्र प्रकल्पबाधित व्यक्तींचे पुनर्वसन अधिनियम, १९९९ लागू असलेल्या पाटबंधारे प्रकल्पाच्या बाधित परिमंडळातील गावठाणामधून स्थलांतरित न झालेल्या प्रकल्पग्रस्तांना नवीन पुनर्वसित गावठाणाऐवजी रोख रक्कम स्वरुपात आर्थिक पॅकेज देणार
९. श्रीराम प्राणप्रतिष्ठा सोहळा व छत्रपती शिवाजी महाराज जयंतीनिमित्त पात्र शिधापत्रिकाधारकांना प्रति शिधापत्रिका आनंदाचा शिधा देण्यास मंजुरी देण्यात आलेली आहे. हे महत्त्वाचे ९ निर्णय बुधवारी राज्य मंत्रिमंडळाच्या बैठकीत घेण्यात आलेले आहेत.
