मुंबई : प्रतिनिधी
काँग्रेसचे नवनियुक्त प्रभारी डॉ. सिरिवेल्ला प्रसाद हे उद्या गुरुवार दिनांक १ ऑक्टोबरपासून पाच दिवसांच्या महाराष्ट्राच्या दौ-यावर येत आहेत.
पाच दिवसांच्या या दौ-यात डॉ. प्रसाद आपला पदभार स्विकारतील, प्रदेश काँग्रेसच्या विस्तारित कार्यकारिणीची बैठक होईल तसेच जिल्हाध्यक्षांशी संवाद साधतील. प्रदेशाध्यक्ष हर्षवर्धन सपकाळ यांच्यासह राज्यातील ज्येष्ठ नेते, आमदार खासदार यांच्याशी ते चर्चा करणार आहेत. प्रदेश काँग्रेसच्या विविध विभाग आणि आघाड्यांच्या राज्य प्रमुखांशी/अध्यक्षांशी बैठक आयोजित करण्यात आली आहे. रविवारी मीडिया, सोशल मीडिया आणि ट्रेनिंग अँड कनेक्ट सेंटरच्या टीमसोबत बैठक आयोजित करण्यात आली आहे. संध्याकाळी प्रदेशाध्यक्ष व मुंबई काँग्रेसचे अध्यक्ष, विधिमंडळ पक्ष आणि विधान परिषदेतील नेते, राज्याशी संबंधित अकउउ सचिव आणि प्रदेश काँग्रेस व मुंबई काँग्रेसचे संघटन महासचिव यांच्यासोबत बैठक आयोजित करण्यात आली आहे अशी माहिती प्रदेश काँग्रेसने दिली आहे.
