बेलफास्ट : भारतीय क्रिकेटच्या इतिहासातील एक सर्वात मोठा आणि लाजिरवाणा धक्का आज क्रिकेट चाहत्यांना बसला आहे. टी-२० विश्वविजेत्या भारतीय संघाला आयर्लंडसारख्या नवख्या संघाने दुस-या टी-२० सामन्यात अवघ्या १ धावेने पराभूत केले. श्रेयस अय्यरच्या नेतृत्वाखाली खेळणा-या भारतीय संघाची ही आजवरची सर्वात मोठी हाराकिरी मानली जात आहे. या थरारक विजयासह आयर्लंडने २ सामन्यांची टी-२० मालिका २-० अशी जिंकून इतिहास रचला. भारतावर आयर्लंडचा हा पहिलाच मालिका विजय आहे.
आयर्लंडच्या क्रिकेट इतिहासातील हा सुवर्णक्षण ठरला आहे. यापूर्वी त्यांनी भारताला कधीही टी-२० मालिकेत पराभूत केले नव्हते. मात्र, मायदेशात खेळताना आयर्लंडच्या गोलंदाजांनी आणि फलंदाजांनी दाखवलेला संयम आणि आक्रमकता थक्क करणारी होती. विशेषत: दुस-या सामन्यात भारतीय फलंदाजीला खिंडार पाडत त्यांनी आपल्या गोलंदाजीच्या जोरावर अशक्य वाटणारा विजय खेचून आणला.
