अफगाणिस्तानचा तिस-या सामन्यातही दारुण पराभव
मुंबई : प्रतिनिधी
भारताने तिस-या आणि अखेरच्या वनडे सामन्यात अफगाणिस्तान संघावर ९ विकेटने मात करत मालिका ३-० ने खिशात घातली. अफगाणिस्तान संघाच्या २१९ धावांचा पाठलाग करताना यशस्वी जयस्वालची नाबाद ११० धावांची खेळी आणि रोहित शर्माच्या ७९ धावांच्या अर्धशतकाने सुरुवातीपासूनच सामन्यावर नियंत्रण ठेवले होते. प्रसिद्ध कृष्णा याच्या ५ विकेटने अफगाणिस्तान बॅकफूटला गेली होती.
तत्पूर्वी अफगाणिस्तान संघाचा कॅप्टन हशमतुल्लाच्या शतकी खेळीने २०० धावांचा टप्पा पार केला होता. मात्र भारताच्या फलंदाजीसमोर त्यांचे आव्हान तोकडे ठरले. कॅप्टन शुभमन गिलने आपल्या नेतृत्त्वाखाली पहिलीच वनडे मालिका नावावर केली. भारत आणि अफगाणिस्तानमध्ये पार पडलेली ही पहिलीच वनडे मालिका भारताने ३-० ने जिंकली.
अफगाणिस्तानच्या रहमानउल्ला गुरबाज ५ धावा, इब्राहिम जादरान ११ धावा, दरविश रसूली १ धाव आणि रहमत शाह ५ धावांवर या चौघांना आऊट करत झकास सुरुवात करून दिली होती. यातील सुरुवातीच्या तिन्ही विकेटचे कॅच स्लिपला फिल्डिंग करत असलेल्या रोहितने घेतले. त्यानंतर मात्र भारतीय गोलंदाजांनी यश लवकर मिळवून दिले नाही. हशमतुल्ला शाहिदी आणि अजमतुल्ला उमरजाई यांनी १०५ धावांची भागीदारी केली होती. दोघांनी अफगाणिस्तानला ३६ वरून १४१ पर्यंत आणले. अजमतुल्ला ५० धावा करून माघारी परतला. त्यानंतर मोहम्मद नबीसोबत शाहिदीने ५७ धावांची भागीदारी करत २०० धावांपर्यंत पोहोचवले. नबी गेल्यावर मात्र शाहिदीला इतर कोणी साथ दिली नाही. शेवटपर्यंत एकटा टिकून राहिला आणि आपल्या करियरमधील शतक करत २१८ पर्यंत संघाला पोहोचवले.
भारताकडून सलामीला आलेल्या रोहित शर्मा आणि यशस्वी जयस्वाल यांनी १७० धावांची सलामी दिली. त्यामुळे भारताने सामन्यावर नियंत्रण मिळवले होते. पण रोहित शर्मा ७९ धावांवर असताना मोठा फटका मारण्याच्या नादात आऊट झाला. रोहितने ९ चौकार आणि ३ षटकार मारले होते तर यशस्वी जयस्वालने दुसरे शतक ठोकले. ८६ चेंडूत ११४ धावांची खेळी करताना १४ चौकार आणि ३ षटकार मारले. प्रसिद्ध कृष्णा, रोहित शर्मा आणि यशस्वी जयस्वाल विजयाचे शिल्पकार ठरले.
