लातूर : प्रतिनिधी
मांजरा परिवाराचे आधारस्तंभ माजी मंत्री, सहकार महर्षी दिलीपराव देशमुख यांच्या वाढदिवसानिमित्त रेणा सहकारी साखर कारखान्याच्या वतीने आयोजीत केलेल्या मांजरा परिवाराअंतर्गत अधिकारी व कर्मचारी यांच्याकरीता सहकार महर्षी क्रिकेट टर्फ-२०२६ स्पर्धेचे विजेतेपद जागृती शुगरच्या संघाने१५ हजार रुपयांचे बक्षीस पटकावले, द्वितीय क्रमांक टेवन्टी-वन शुगर्स संघाने ११ हजार तर तृतीय क्रमांक विकासरत्न विलासराव देशमुख मांजरा साखर कारखान्याने ७ हजार रुपयांचे बक्षीस पटकावले. बेस्ट बॉलर दीपक ढगे, जागृती शुगर व बेस्ट बॅस्टमन कोटे विजेंद्र, जागृती शुगर यांनी पटकवला. अंतिम सामन्यात जागृती संघाने ट्वेन्टी-वन शुगरचा पराभव करत प्रथम विजेतेपद पटकावले माजी मंत्री, सहकार महर्षी क्रिकेट टर्फ-२०२६ यामध्ये मांजरा परिवारातील रेणा साखर, विकासरत्न विलासराव देशमुख मांजरा साखर, जागृती शुगर, विलास साखर युनिट-१, विलास साखर युनिट-२, टे्वन्टी-वन शुगर, मांजरा शुगर्स, मारुती महाराज साखर या संघाने स्पर्धेत भाग घेतला होता.
सदरील स्पर्धेचे दि. १७ एप्रिल रोजी सकाळी ७ वाजता कारखान्याचे व्हाइस चेअरमन व संचालक मंडळाच्या हस्ते उद्घाटन करण्यात आले तद्नंतर स्पर्धा सुरू झाल्या. अंतीम सामना हा जागृती शुगर व टे्वन्टी-वन शुगर्स यामध्ये झाला यामध्ये जागृती शुगर्स यांनी सहकार महर्षी क्रिकेट टर्फ-२०२६ चे विजेतेपद पटकावले. प्रमुख पाहुणे जागृती शुगरचे उपाध्यक्ष लक्ष्मणराव मोरे, राज्य साखर महासंघाचे उपाध्यक्ष आबासाहेब पाटील, रेणा साखर कारखान्याचे अध्यक्ष अनंतराव देशमुख, विकासरत्न विलासराव देशमुख मांजरा साखर कारखान्याचे उपाध्यक्ष अशोक काळे, जिल्हा बँकेचे उपाध्यक्ष अँड. प्रमोद जाधव ट्वेन्टी वन शुगरचे उपाध्यक्ष विजय देशमुख रेणाचे माजी चेअरमन यशवंतराव पाटील, माजी चेअरमन सर्जेराव मोरे, रेणा साखर कारखान्याचे उपाध्यक्ष प्रविण पाटील यांच्यासह मान्यवरांच्या हस्ते विजेत्या संघांना रोख रक्कम, सन्मानचिन्ह वितरण करण्यात आले. यावेळी अंतीम सामन्याचे टॉस प्रमुख पाहुणे लक्ष्मणराव मोरे यांच्या हस्ते करण्यात आला. यावेळी मांजरा परिवारातील सर्व संस्थांचे संचालक मंडळ, सर्व कार्यकारी संचालक अधिकारी कर्मचारी खेळाडू उपस्थित होते.
रेणा संचालक विरुद्ध रेणा अधिकारी यांच्यात सामना झाला. त्यात संचालक मंडळाने विजय मिळवला. यावेळी रेणाचे संचालक मंडळ सर्वश्री चंद्रकांत पाटील, धनराज गोविंद पाटील, शंकर पाटील, रणजीत पाटील, बालाजी हाके, संग्राम माटेकर, सतीश पवार, तुकाराम कोल्हे, तानाजी कांबळे, स्नेहलराव देशमुख, पंडितराव माने, चंद्रचूड चव्हाण, इंगळे, संभाजी रेड्डी यांच्यासह जागृती शुगरचे जनरल मॅनेजर गणेश येवले, विलास साखर कारखाना युनिट-२ चे कार्यकारी संचालक पवार, ट्वेन्टी वन शुगरचे कार्यकारी संचालक संतोष बिराजदार, माध्यम समन्वयक हरीराम कुलकर्णी उपस्थित होते. सदरील स्पर्धा यशस्वी करण्यासाठीं सहकार महर्षी क्रिकेट टर्फ-२०२६ टुर्नामेंट रेणाचे कार्यकारी संचालक बी. व्ही. मोरे, सचिव रविशंकर बरमदे व सर्व अधिकारी कर्मचारी यांनी परिश्रम घेतले.
