हैदराबाद : वृत्तसंस्था
सनरायझर्स हैदराबाद आणि दिल्ली कॅपिटल्स यांच्यात आज रंगलेल्या आयपीएल सामन्यात प्रथम फलंदाजी करताना हैदराबादने निर्धारित षटकांत २४२ एवढा धावांचा डोंगर उभा केला. त्यानंतर दिल्लीला १९५ धावांपर्यंतच मजल मारता आली. त्यामुळे हैदराबादच्या संघाने ४७ धावांत शानदार विजय मिळवित आपली विजयी घोडदौड कायम सुरू ठेवली.
दिल्लीने नाणेफेक जिंकून प्रथम बॉलिंग करण्याचा निर्णय घेतला. प्रथम फलंदाजीसाठी मैदानात उतरलेल्या हैदराबादने दोन विकेट्स गमावून २४२ धावांचा डोंगर उभारला. यात एकट्या अभिषेक शर्माने १३५ नाबाद धावा केल्या. याउलट दिल्लीच्या संघाला १९५ इतक्याच धावा करता आल्या. हैदराबाद येथील राजीव गांधी आंतरराष्ट्रीय क्रिकेट स्टेडियमवर खेळल्या गेलेल्या या सामन्यात दिल्ली कॅपिटल्सला दारुण पराभव पत्करावा लागला. यजमान हैदराबादने दिल्ली कॅपिटल्सला ४७ धावांनी पराभूत करून या हंगामातील आपला चौथा विजय नोंदवला. त्यामुळे हैदराबाद संघाची विजयी हॅट्ट्रिक झालीे. यामुळे हैदराबाला गुणतालिकेत चौथ्या स्थानावरून तिस-या स्थानावर झेप घेण्यास मदत झाली. याआधी राजस्थानचा संघ तिस-या क्रमांकावर होता.
