मुंबई : प्रतिनिधी
मुख्यमंत्री माझी लाडकी बहीण योजनेचा जुलै महिन्याचा १५०० रुपयांचा पहिला हप्ता येण्याची वाट पाहणा-यांसाठी आनंदाची बातमी आहे. नुकताच खात्रीलायक सूत्रांकडून मोठी माहिती मिळाली. त्यानुसार, १५ ऑगस्टपूर्वी लाडकी बहीण योजनेसाठी पात्र असलेल्या महिलांच्या खात्यात जुलै महिन्याचे पैसे येण्याची दाट शक्यता आहे. मंगळवारी मंत्रिमंडळाच्या बैठकीत लाडक्या बहिणींच्या निधीचे थेट हस्तांतरण करण्याचा अंतिम निर्णय होऊ शकतो.
मुख्यमंत्री माझी लाडकी बहीण योजनेअंतर्गत लाभार्थी महिलांना प्रत्येक महिन्याला १५०० रुपये दिले जातात. हे पैसे महिलांच्या बँक खात्यात ट्रान्सफर होतात. ई-केवायसी न केल्याने अनेक महिलांच्या खात्यात पैसे जमा झाली नाहीत. यासोबतच महिला व बालकल्याण विभागाकडून महिलांच्या अर्जाची छाननी केली जात आहे.
ज्या महिला लाडकी बहीण योजनेच्या निकषामध्ये बसत नाहीत, त्यांना या योजनेचा लाभ मिळत नाही. आयकर विभागाच्या मदतीने अर्जांची छाननी केली जातंय. लाडकी बहीण योजनेसाठी सरकारकडून काही नियम आणि अटी ठेवण्यात आल्या होत्या. मात्र, त्यावेळी महिलांनी सरसकट अर्ज केली आणि ती अर्ज पात्रही ठरवण्यात आली.
आतायापूर्वीच जून महिन्याचा हप्ता १५ जुलै रोजी महिलांच्या खात्यात वर्ग करण्यात आला. १० तारखेपर्यंत लाडकी बहीण योजनेचा हप्ता महिलांच्या खात्यात जमा होईल, असा निर्णय घेण्यात आला. त्यानुसार निधी वर्ग केला जात आहे. जर १८ ऑगस्टपर्यंत हा हप्ता महिलांच्या खात्यात जमा झाला नाही तर मग थेट रक्षाबंधनाचा मुहूर्त साधून महिलांच्या खात्यात थेट ३००० हजार जमा होऊ शकतात.
लाडकी बहीण योजना अधिक पारदर्शक करण्यासाठी सरकारकडून मोठा निर्णय घेण्यात आला. इ केवायसी लागू करण्यात आली. ८० लाख महिला यानंतर या योजनेतून अपात्र ठरल्या आहेत. ८० लाख महिलांच्या कागदपत्रात त्रुटी निघाल्याने या महिला लाडकी बहीण योजनेसाठी पात्र ठरल्या नाहीत. त्यामध्येच आता जुलै महिन्याचा हप्ता लवकरच महिलांच्या खात्यावर जमा होणार आहे. विधानसभा निवडणुकीच्या तोंडावर राज्य सरकारने मुख्यमंत्री लाडकी बहीण योजना सुरू केली होती.
