मुंबई : प्रतिनिधी
ज्येष्ट अभिनेते नाना पाटेकर यांचे गुरुवारी पहाटे हृदयविकाराच्या झटक्याने निधन झाले आहे. गेल्या पन्नास वर्षांपासून चित्रपटसृष्टीवर राज्य करणा-या नाना पाटेकरांच्या अकाली निधनाने चित्रपटसृष्टीवर शोककळा पसरली आहे. हिंदी, मराठी, दाक्षिणात्या चित्रपटसृष्टीतील कलाकारांनी नाना पाटेकर यांना श्रद्धांजली वाहिली आहे.
मन अत्यंत दु:खी : अक्षय कुमार
नानांच्या निधनाचे वृत्त ऐकून मन अत्यंत दु:खी झाले. ते अशा मोजक्या अभिनेत्यांपैकी एक होते, ज्यांना प्रेक्षकांचे लक्ष वेधून घेण्यासाठी फार काही करावे लागत नसे. तो धीरगंभीर आवाज, जबरदस्त अभिनय आणि प्रत्येक पात्रातील सहज प्रामाणिकपणाङ्घ त्यांची स्वत:ची एक वेगळी शैली होती. ‘वेलकम’ आणि नुकत्याच झालेल्या ‘हाऊसफुल ५’ मध्ये त्यांच्यासोबत काम करण्याची संधी मिळाली, हे मी माझे भाग्य समजतो. त्या सेटवरच्या अशा अनेक आठवणी आहेत, ज्या मी आयुष्यभर मनात जपून ठेवीन. नाना पाटेकर खरोखरच अद्वितीय होते. नाना आता आपल्यात नाही यावर विश्वास ठेवणे कठीण जात आहे. तुमची उणीव शब्दांत व्यक्त करता येणार नाही इतकी भासेल, असे अक्षय कुमारने ट्विट केले आहे.
कलेप्रती समर्पण सदैव स्मरणात : मनीषा कोईराला
एका महान अभिनेत्याच्या, प्रभावी व्यक्तिमत्त्वाच्या आणि अभिनय क्षेत्रातील एका ख-या आधारस्तंभाच्या निधनाने मन अत्यंत दु:खी झाले आहे. सिनेमासृष्टीतील त्यांचे योगदान आणि त्यांचे कलेप्रती असलेले समर्पण सदैव स्मरणात राहील
चित्रपटसृष्टीची फार मोठी हानी : संजय दत्त
माझा भाऊ, माझा मित्र नाना आता आपल्यात नाही यावर अजूनही विश्वास बसणे कठीण जात आहे. आम्ही एकत्र घालवलेल्या क्षणांच्या अशा अनेक सुंदर आठवणी आहेत, ज्या मी आयुष्यभर मनात जपून ठेवीन. त्यांचे जाणे ही केवळ त्यांच्यावर प्रेम करणा-या आणि त्यांना ओळखणा-यांचीच नव्हे, तर संपूर्ण चित्रपटसृष्टीची फार मोठी हानी आहे. आपण एका असामान्य अभिनेत्याला, एका महान कलाकाराला आणि एका खरोखरच अत्यंत खास व्यक्तीला गमावले आहे. माझ्या संवेदना आणि प्रार्थना त्यांच्या कुटुंबासोबत व आप्तेष्टांसोबत आहेत. भावपूर्ण श्रद्धांजली, नाना.
