नक्षलवाद्यांकडून पळवलेल्या शस्त्रांची माहिती देणा-यांना रोख बक्षीस

मुंबई : प्रतिनिधी
नक्षलवाद्यांनी यापूर्वी सुरक्षा दलांकडून लुटून नेलेल्या शस्त्रांचा शोध घेण्यासाठी राज्य सरकारने महत्त्वाचा निर्णय घेतला आहे. या शस्त्रांबाबत माहिती देऊन ती हस्तगत करण्यास मदत करणा-यांना आता दिड लाखांपर्यंत रोख बक्षीस दिले जाणार आहे. शस्त्रांचा प्रकार आणि संख्येनुसार बक्षिसाची रक्कम निश्चित करण्यात आली असून मंगळवारी झालेल्या मंत्रिमंडळाच्या बैठकीत या निर्णयाला मंजूरी देण्यात आली.

माओवादी चळवळीच्या सुरुवातीपासून नक्षलवाद्यांनी विविध काळात पोलिस ठाण्यांवर आणि सुरक्षा पथकांवर हल्ले करून सुरक्षा दलांची शस्त्रे लुटून नेली आहेत. ही शस्त्रे अद्याप नक्षलवाद्यांकडे असण्याची शक्यता लक्षात घेता, त्यांचा शोध घेऊन ती पुन्हा सुरक्षा यंत्रणांच्या ताब्यात आणण्यासाठी सरकारने हे प्रोत्साहनात्मक पाऊल उचलले आहे. केंद्र सरकारने देशातून डावा उग्रवाद आणि नक्षलवाद संपविण्याचा निर्धार केला असून, केंद्र व राज्य सरकारच्या समन्वित कारवाईमुळे नक्षलवाद्यांचा प्रभाव मोठ्या प्रमाणात कमी झाला आहे. एकेकाळी नक्षलवाद्यांच्या प्रभावाखाली असलेले रेड कॉरिडॉरचे पश्चिमेकडील गडचिरोली आणि गोंदिया हे जिल्हे नक्षलमुक्त झाल्याचे सरकारचे म्हणणे आहे. या भागात आता विकास प्रकल्पांनाही गती दिली जात आहे.

यापूर्वी नक्षलवाद्यांच्या अटकेसाठी किंवा त्यांच्या हालचालींबाबत माहिती देणा-यांना बक्षीस देण्याची तसेच सुधारित आत्मसमर्पण योजनेअंतर्गत शस्त्रांसह आत्मसमर्पण करणा-यांना नियमित बक्षिसांव्यतिरिक्त अतिरिक्त आर्थिक मदत देण्याची तरतूद होती. मात्र, सुरक्षा दलांकडून लुटून नेलेल्या शस्त्रांची माहिती देणा-यांसाठी स्वतंत्र रोख बक्षिसाची व्यवस्था नव्हती. त्यामुळे ही बेपत्ता शस्त्रे शोधण्यासाठी रोख बक्षीस देण्याचा प्रस्ताव गृह विभागाने सादर केला होता. त्याला मंत्रिमंडळाने मंजूरी दिली. या बक्षिसांना प्रशासकीय मंजुरी देण्याचे अधिकारही विविध पोलीस अधिका-यांना त्यांच्या पदानुसार आणि आर्थिक मर्यादेनुसार देण्यात आले आहेत. त्यानुसार, पोलिस अधीक्षकांना १० लाख रुपयांपर्यंतच्या बक्षिसांना मंजुरी देता येईल. १० लाखांपेक्षा अधिक ते २५ लाख रुपयांपर्यंतच्या बक्षिसांचे अधिकार गडचिरोली परिक्षेत्राच्या पोलिस उपमहानिरीक्षकांकडे असतील. २५ लाखांपेक्षा अधिक ते ५० लाख रुपयांपर्यंतच्या बक्षिसांना विशेष पोलिस महानिरीक्षक (नक्षलविरोधी अभियान) मंजुरी देतील. तर ५० लाख ते एक कोटी रुपयांपर्यंतच्या बक्षिसांना मंजुरी देण्याचे अधिकार अपर पोलिस महासंचालक (विशेष कृती) यांच्याकडे असतील.

विद्यापीठ अधिनियमात अध्यादेशाद्वारे सुधारणा
राष्ट्रीय शैक्षणिक धोरण आणि उच्च शिक्षण क्षेत्रातील बदलांच्या पार्श्वभूमीवर महाराष्ट्र सार्वजनिक विद्यापीठ अधिनियमातील तरतुदींमध्ये सुधारणा करण्याचा निर्णय घेण्यात आला आहे. त्यानुसार अधिनियमातील कलम १३(१२) आणि कलम १००(५)(अ) मध्ये बदल करण्यासाठी अध्यादेशाच्या मसुद्याला मंत्रिमंडळाने मान्यता दिली. या सुधारणेनुसार संबंधित विद्यापीठाच्या कुलगुरूंच्या शिफारशीवरून प्र-कुलगुरूंना पदावरून हटविण्याचा अधिकार राज्याचे कुलपती यांना मिळणार आहे. तसेच विद्यापीठांशी संबंधित बांधकाम आणि विकासकामे यापुढे व्यवस्थापन परिषदेच्या देखरेखीखाली सार्वजनिक बांधकाम विभागामार्फत करता येणार आहेत. या अध्यादेशाच्या प्रारूपात आवश्यक बदल करण्याचे अधिकार विधि व न्याय विभागाला देण्यात आले आहेत.

Hot this week

नांदेडात एकाच दिवशी दोन अधिकारी निलंबित

नांदेड : महापलिकने हाती घेतलेल्या १०० दिवस विशेष कार्यक्रमात...

सुर्यकांत सरन्यायाधीशांच्या खुर्चीवर बसण्याच्या लायक नाहीत

नवी दिल्ली : सर्वोच्च न्यायालयात सोमवारी सरन्यायाधीश सूर्यकांत आणि...

कोलकात्याकडून दिल्ली पराभूत

दिल्ली : कोलकाता नाईट रायडर्स टीम अखेर विजयी ट्रॅकवर...

पुण्यात उभारणार महाराष्ट्रातील सर्वांत मोठे बसस्थानक; ८२५ कोटींचा पुनर्विकास...

पुणे : पुण्यातील शिवाजीनगर एसटी बसस्थानकाचा लवकरच कायापालट होणार...

यंदाही मुलींचीच बाजी

पुणे : महाराष्ट्र राज्य माध्यमिक व उच्च माध्यमिक शिक्षण...

Related Articles

EKMAT DIGITAL
Video thumbnail
Nanded News| माहूरच्या दत्त मांजरीत २०० हून अधिक गांजाची झाडे जप्त;एक कोटीहून अधिक किमतीचा मुद्देमाल
01:50
Video thumbnail
Nanded News | माहूरमध्ये ८३ किलो गांजा जप्त; ४१.५० लाखांचा मुद्देमाल हस्तगत, ११८ झाडे उद्ध्वस्त
02:27
Video thumbnail
Latur News |आमदार अमित देशमुखांच्या हस्ते किसना डायमंड अँड गोल्ड ज्वेलरीचे उद्घाटन
09:08
Video thumbnail
Latur News | पाण्याची नासाडी करणाऱ्यांवर मनपाची कारवाई; २५ जणांना दंड, २६७ जणांना नोटिसा
02:05
Video thumbnail
Nanded News | रोहित पवारांवर गुन्हा दाखल करा; भाजपाची पोलिसांकडे मागणी, महापौरांचे निवेदन
02:37
Video thumbnail
Latur News | समान काम समान वेतनासाठी न्यायालयीन कर्मचाऱ्यांचा बेमुदत संप; न्यायालयीन कामकाज ठप्प
05:22
Video thumbnail
Latur News | ऐन दुष्काळात लाखो लिटर पाणी गटारात; स्वातंत्र्य सैनिक नगरमध्ये जलवाहिनी फुटली
01:53
Video thumbnail
Dharmabad News | सर्पदंशाच्या रुग्णाची रुग्णवाहिका रस्त्यात बंद
01:17
Video thumbnail
Latur Bank Election| बाभळगावात शिट्टी वाजवून सहकार पॅनलचा जल्लोष; १९ पैकी १४ जागांवर विजय
00:47
Video thumbnail
Diliprao Deshmukh Reaction | धीरज देशमुख कॅप्टन, विजयाचे श्रेय त्यांना – दिलीपराव देशमुख
04:23
Video thumbnail
Jalkot Accident News | जळकोटमध्ये अज्ञात वाहनाची दुचाकीला धडक; एकाचा मृत्यू, एक जखमी
01:22
Video thumbnail
Nanded News | आदिवासी महादेव कोळी समाजाचा मोर्चा; घटनात्मक हक्कांसह श्वेतपत्रिकेची मागणी
00:38
Video thumbnail
Nanded News | ऊस उत्पादकांच्या मागण्यांचे निवेदन दिले; बालाजी गाडे यांना ५ कोटींची नोटीस
02:16
Video thumbnail
Journalist First Reaction | पत्रकारांच्या नजरेतून लातूर जिल्हा बँकेचा निकाल
11:49
Video thumbnail
Dhiraj Deshmukh First Reaction| लातूर जिल्हा बँक निवडणुकीत ११ जागांवर विजय; धीरज देशमुख काय म्हणाले?
02:42

Latest news